+7 (701) 759 90 19
-11 °С : نۇر-سۇلتان
-4 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

پوليتسەيلەر جالعان ءنومىر تاققان كولىكتەردى انىقتاۋ ءۇشىن رەيدكە شىقتى

4 جەلتوقسان 20:41
:ءبولىسۋ
پوليتسەيلەر جالعان ءنومىر تاققان كولىكتەردى انىقتاۋ ءۇشىن رەيدكە شىقتى

الماتى. قازاقپارات- الماتى قالاسىنىڭ پوليتسەيلەرى جالعان ءنومىر تاققان جانە قوزعالتقىشىنىڭ داۋىسى قاتتى شىعاتىن كولىكتەردى انىقتاۋ بويىنشا رەيد وتكىزىپ جاتىر، دەپ حابارلايدى قازاقپارات ءتىلشىسى.

الماتى پوليتسياسى جول قوزعالىسى ەرەجەلەرىن ورەسكەل بۇزۋشىلاردى انىقتاۋ بويىنشا كۇشەيتىلگەن رەجيمدە جۇمىس ىستەپ جاتىر.

«وسى كۇندەرى قالادا رەيد ءجۇرىپ جاتىر. پاترۋلدىك پوليتسيا مەن مامانداندىرىلعان باتالوننىڭ جەكە قۇرامى جالعان نومىرلىك بەلگىلەرمەن جۇرگەن، مەملەكەتتىك تىركەۋ نومىرلەرى جوق، تەرەزەلەرىن قاراڭعىلاعان، سونداي-اق كولىكتەردى زاڭسىز قايتا جابدىقتاعانداردى انىقتاپ، ۇستاپ جاتىر. سونىمەن قاتار كولىك قۇرالدارىن ماس كۇيىندە باسقارۋ فاكتىلەرىنە ەرەكشە نازار اۋدارىلۋدا. جۇرگىزۋشىلەردىڭ اراسىندا جول قوزعالىسىنا قاتىسۋشىلاردىڭ ءومىرى مەن دەنساۋلىعىنا قاۋىپ توندىرەتىندەر ءالى دە ازايار ەمەس»، - دەدى الماتى قالالىق پوليتسيا دەپارتامەنتى باستىعىنىڭ ءبىرىنشى ورىنباسارى نۇرلان الماسبەكوۆ.

ونىڭ ايتۋىنشا، ءتارتىپ ساقشىلارى وتكەن تاۋلىكتە قالا جولدارىندا ماس كۇيىندە كولىك جۇرگىزگەن بەس جۇرگىزۋشى ۇستادى. ولاردىڭ ەكەۋى بۇعان دەيىن كولىك باسقارۋ قۇقىعىنان ايىرىلسا دا تاعى ماس كۇيىندە كولىك تىزگىنىنە قايتا وتىرعان.

«ءبىر جۇرگىزۋشى جالعان نومىرلىك بەلگى قولدانعانى ءۇشىن جاۋاپقا تارتىلدى. سونىمەن قاتار وتكەن تاۋلىكتە اۆتوكولىك تەرەزەلەرىن قاراڭعىلاۋدىڭ 18 فاكتىسى، اۆتوكولىك قۇرالدارىن قۇجاتسىز جۇرگىزۋدىڭ 23 فاكتىسى، اپاتتىق جاعداي تۋىنداتۋدىڭ 4 فاكتىسى، قارسى جولاققا شىعىپ كەتۋدىڭ 2 فاكتىسى جانە ت. ب. قۇقىق بۇزۋشىلىقتار انىقتالعان»، - دەپ اتاپ ءوتتى نۇرلان الماسبەكوۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات