+7 (701) 759 90 19
-12 °С : نۇر-سۇلتان
-10 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

قانداي جاعدايلاردا مەملەكەتتىك تۋدى پايدالانۋعا بولمايدى - ءمينيستردىڭ جاۋابى

4 جەلتوقسان 20:28
:ءبولىسۋ
قانداي جاعدايلاردا مەملەكەتتىك تۋدى پايدالانۋعا بولمايدى - ءمينيستردىڭ جاۋابى

نۇر-سۇلتان. قازاقپارات - ق ر مادەنيەت جانە سپورت ءمينيسترى اقتوتى رايىمقۇلوۆا ق ر مەملەكەتتىك تۋىن پايدالانۋعا جول بەرىلمەيتىن جاعدايلاردى ءتۇسىندىردى، دەپ حابارلايدى قازاقپارات ءتىلشىسى.

«قازاقستان رەسپۋبليكاسىنىڭ مەملەكەتتىك تۋى كولەمىنە قاراماستان، ۇلتتىق ستاندارتقا سايكەس كەلۋى ءتيىس. جەكە جانە زاڭدى تۇلعالاردىڭ ۇلتتىق ستاندارت تالاپتارىن بۇزىپ، مەملەكەتتىك تۋدى پايدالانۋىنا جول بەرىلمەيدى. اتاپ ايتقاندا، ۇلتتىق ستاندارتقا ساي كەلمەۋ دەگەنىمىز - مەملەكەتتىك تۋداعى نىساندى، مولشەردى جانە تەحنيكالىق تالاپتاردى بۇزۋ. مەملەكەتتىك تۋ ۇلتتىق ستاندارتقا سايكەس كەلمەگەن جاعدايدا، ق ر ۇكىمەتى ايقىنداعان تارتىپپەن اۋىستىرىلىپ، جويىلۋى كەرەك»، - دەپ اتاپ ءوتتى مينيستر ورتالىق كوممۋنيكاتسيالار قىزمەتىندە وتكەن بريفينگتە.

اكىمشىلىك قۇقىق بۇزۋشىلىق تۋرالى كودەكسكە سايكەس، ۇلتتىق ستاندارت تالاپتارىنا سايكەس كەلمەيتىن مەملەكەتتىك تۋدى زاڭسىز دايىنداعانى ءۇشىن اكىمشىلىك ايىپپۇل سالىنادى.

سونىمەن بىرگە، جەكە جانە زاڭدى تۇلعالار مەملەكەتتىك تۋدى مازاق ەتە المايدى.

ءمينيستردىڭ ايتۋىنشا، ق ر ۇكىمەتىنىڭ 2020-جىلعى 27- قاراشاداعى 801№ قاۋلىسىمەن ق ر مەملەكەتتىك تۋىن، ەلتاڭباسىن جانە ولاردىڭ بەينەلەرىن، ق ر مەملەكەتتىك گيمنىنىڭ ءماتىنىن پايدالانۋ قاعيدالارىنا وزگەرىستەر ەنگىزىلدى. ەندىگى كەزەكتە بۇل وزگەرىستەر ارقىلى ازاماتتارىمىز ءۇشىن مەملەكەتتىك تۋدى پايدالانۋ اياسى زاڭنامالىق تۇرعىدا كەڭەيتىلىپ وتىر. ەڭ الدىمەن ق ر مەملەكەتتىك تۋىن جەكە جانە زاڭدى تۇلعالار عيماراتتاردا، ونىڭ ىشىندە بالكونداردا جانە سالتاناتتى ءىس-شارالار وتكىزىلەتىن ورىنداردا پاتريوتتىق سەزىمدەرىن، قازاقستاندىق بىرەگەيلىگىن ءبىلدىرۋ ءۇشىن، ەل ازاماتتارىنىڭ جەتىستىكتەرىن قولداۋ ماقساتىندا پايدالانا الادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات