ازەربايجان تاۋلى كاراباحتا قازا تاپقان ساربازدار سانىن العاش رەت رەسمي تۇردە جاريالادى

نۇر- سۇلتان. قازاقپارات - ازەربايجان تاۋلى كاراباح سوعىسىندا قازا تاپقان اسكەر سانىن العاش رەت رەسمي تۇردە جاريالادى، دەپ حابارلايدى «حابار 24».

وسى ەلدىڭ قورعانىس مينيسترلىگى تاراتقان مالىمەت بويىنشا قاقتىعىستان 2783 سارباز قۇربان بولعان. تاعى جۇزدەن استامى ءىز- ءتۇزسىز جوعالىپ كەتكەن. ال ارمەنيا بيلىگى قۇربان بولعان اسكەر سانىن ءالى ناقتىلى جاريالاعان جوق. ءبىراق وسى ەلدىڭ دەنساۋلىق ساقتاۋ مينيسترلىگى وتكەن ايدىڭ ورتاسىندا 2317 ارميان جاۋىنگەرى جان تاپسىردى دەپ حابارلاعان ەدى.

ەستەرىڭىزگە سالا كەتەيىك، ازەربايجان مەن ارمەنيا اراسىنداعى سوعىس 27 - قىركۇيەكتە باستالىپ، 10- قاراشادا توقتاعان بولاتىن.

www.24.kz