مەملەكەتتىك تۋدى پايدالانۋ زاڭىنا قانداي وزگەرىس ەنگىزىلدى
«وزدەرىڭىز بىلەسىزدەر، 2020 -جىلعى 27 - قازاندا مەملەكەت باسشىسى ق. ك. توقايەۆتىڭ مەملەكەتتىك تۋدى پايدالانۋعا قاتىستى مەملەكەتتىك رامىزدەردى پايدالانۋ قاعيدالارىن قايتا قاراۋ تاپسىرماسى بەرىلدى. اتالعان تاپسىرمانى ورىنداۋ اياسىندا ق ر ۇكىمەتىنىڭ 2020 -جىلعى 27 - قاراشاداعى №801 قاۋلىسىمەن ق ر مەملەكەتتىك تۋىن، ەلتاڭباسىن جانە ولاردىڭ بەينەلەرىن، ق ر مەملەكەتتىك گيمنىنىڭ ءماتىنىن پايدالانۋ قاعيدالارىنا وزگەرىستەر ەنگىزىلدى. ەندىگى كەزەكتە بۇل وزگەرىستەر ارقىلى ازاماتتارىمىز ءۇشىن مەملەكەتتىك تۋدى پايدالانۋ اياسى زاڭنامالىق تۇرعىدا كەڭەيتىلىپ وتىر»، - دەپ اتاپ ءوتتى مينيستر ورتالىق كوممۋنيكاتسيالار قىزمەتىندە وتكەن بريفينگتە.
ەڭ الدىمەن ق ر مەملەكەتتىك تۋىن جەكە جانە زاڭدى تۇلعالار عيماراتتاردا، ونىڭ ىشىندە بالكونداردا جانە سالتاناتتى ءىس- شارالار وتكىزىلەتىن ورىنداردا پاتريوتتىق سەزىمدەرىن، قازاقستاندىق بىرەگەيلىگىن ءبىلدىرۋ ءۇشىن، ەل ازاماتتارىنىڭ جەتىستىكتەرىن قولداۋ ماقساتىندا پايدالانا الادى.
«سونىمەن قاتار جەكە تۇلعالارعا وسى قاعيدالارعا ەنگىزىلگەن وزگەرىستەرگە سايكەس، ق ر مەملەكەتتىك تۋىن ءبىر قاباتتى نەمەسە كوپ قاباتتى عيماراتتاردا ەكستەرەرلى نۇسقادا ورنالاستىرۋ كەزىندە عيماراتتىڭ ساۋلەت ەرەكشەلىكتەرىنە قاراماستان پايدالانۋ مۇمكىندىگى بەرىلدى. بۇدان بىلاي جەكە تۇلعالار عيماراتتاردا ورنالاستىرىلاتىن مەملەكەتتىك تۋدى قاراڭعى ۋاقىتتا جارىق قۇرالدارىن قولدانباي- اق پايدالانا الادى. جالپى العاندا، جوعارىدا كورسەتىلگەن وزگەرتۋلەر مەملەكەتتىك تۋدىڭ قولدانىلۋ اياسىن ەداۋىر كەڭەيتەدى، ونىڭ قوعامداعى پاتريوتيزم رۋحىن نىعايتۋعا باعىتتالعان سيمۆولدىق كاپيتالىن جاڭاشا ۇعىنۋعا مۇمكىندىك بەرەدى»، - دەدى اقتوتى رايىمقۇلوۆا.
سونىمەن بىرگە نۇر- سۇلتان، الماتى، شىمكەنت قالالارىنىڭ جانە وبلىس اكىمدىكتەرى جىل سايىن قازاقستاندىقتار اراسىندا مەملەكەتتىك رامىزدەردى دارىپتەۋ جانە پاتريوتيزمگە تاربيەلەۋ ماقساتىندا «مەنىڭ تۋىم، مەنىڭ وتانىم!» اكسياسىن وتكىزەدى.
اۆتور: ايجان سەرىكجان قىزى