جاڭاوزەندە ينكاسساتورلارعا قاراقشىلىق شابۋىل جاسالدى

نۇر-سۇلتان. قازاقپارات - ەلىمىزدىڭ ءبىرقاتار بۇقارالىق اقپارات قۇرالى جاڭاوزەن قالاسىنداعى «سبەربانك» بولىمشەسىنىڭ ينكاسساتورلارىنا قاراقشىلىق شابۋىل جاسالعانىن حابارلاعان بولاتىن.

وسىعان وراي اتالعان بانك رەسمي مالىمدەمە جاسادى، دەپ حابارلايدى قازاقپارات.

«شىنىمەن دە 2020 -جىلدىڭ 3-جەلتوقسانىندا، كەشكى ۋاقىتتا «سبەربانك» بولىمشەسى جانىندا بانككە ينكاسساتسيالىق قىزمەت كورسەتەتىن باسقا كومپانيانىڭ ينكاسساتار كولىگىنە شابۋىل جاسالدى. كولىكتىڭ جۇرگىزۋشى- ينكاسساتورى بانك بولىمشەسىنە كىرىپ كەتكەن ارىپتەستەرىن كۇتىپ وتىرعان ساتتە جاسالعان. بۇل رەتتە اتالعان كومپانيانىڭ قىزمەتكەرلەرى باسقا ۇيىمنان ينكاسساتسيالاعان اقشا قاراجاتى ۇرلانعان. وسىلايشا، «سبەربانك» كليەنتتەرىنىڭ قاراجاتتارى تولىق ساقتالىپ تۇرعاندىعىن حابارلايمىز»، - دەلىگەن قارجى ۇيىمىنىڭ اقپاراتىندا.

بانك مالىمەتىنشە، قاراقشىلىق شابۋىل كەزىندە ەشكىم زارداپ شەكپەگەن.

«سبەربانك» جاسالعان قىلمىستىڭ قىسقا ۋاقىتتىڭ ىشىندە اشكەرەلەنىپ، كىنالىلەر جازالاناتىندىعىنا، قاراجات يەلەرىنە قايتارىلاتىندىعىنا ءۇمىت ارتادى جانە قىلمىستى اشۋ ءۇشىن بارىنشا جاردەم كورسەتەدى»، - دەدى بانكتەن.

اۆتور: مارلان جيەمباي