ايدوس ەربوسىن ۇلى جەڭىلىپ كورمەگەن گانالىق بوكسشىمەن جۇدىرىقتاسادى
BoxRec پورتالىنداعى اقپاراتقا سايكەس، ەربوسىن ۇلى 16-جەلتوقسان كۇنى جەڭىلىپ كورمەگەن گانالىق بوكسشى يسسا ساميرمەن (19-0-0،16 ك و) كەزدەسۋىن وتكىزىپ، WBC Asia, WBAInternational جانە WBO Global تيتۋلىن قورعايدى.
ايتا كەتەيىك، «SuleimenPromotions» پروموۋتەرلىك كومپانياسى ۇيىمداستىرىپ وتىرعان بوكس كەشى ەلورداداعى جاقسىلىق ۇشكەمپىروۆ اتىنداعى جەكپە- جەك سارايىندا وتەدى. ەربوسىن ۇلى- سامير ايقاسى - وسى بوكس كەشىنىڭ باستى جەكپە- جەگى بولماق. سونداي- اق، بەك نۇرماعانبەت (2-0-0،1 ك و) ، ەۆگەني پاۆلوۆ (2-0-0،2 كو) ، بەكزات نۇرداۋلەتوۆ (1-0-0،1 ك و) جانە دانيلا سەمەنوۆ (1-0-0،1 ك و) سىندى قازاقستاندىق بوكسشىلار دا شارشى الاڭعا شىعادى. ەسكە سالا كەتەيىك، ايدوس ەربوسىن ۇلى سوڭعى رەت مينسكىدە شارشى الاڭعا شىعىپ، گەرمانيالىق بوكسشى نۋحۋ لاۆالدى (27-8-0،15 ك و) تورەشىلەر شەشىمىمەن جەڭگەن بولاتىن.