ديماش قۇدايبەرگەن العاش رەت ونلاين كونسەرت وتكىزەدى
بيلەت ساتىلىمىنان تۇسكەن قارجىنىڭ ءبىر بولىگى قايىرىمدىلىققا جۇمسالادى، دەپ حابارلايدى قازاقپارات Dimashnews رەسۋرسىنا سىلتەمە جاساپ.
بۇل - پاندەميا باستالعالى ءانشىنىڭ العاشقى جاھاندىق قويىلىمى بولماق. كونسەرت - ءانشىنىڭ پەرفورمانس شەڭبەرىندەگى جاڭارتىلعان باعدارلامانىڭ جاڭا ديدجيتال- فورماتتاعى تۇساۋكەسەرى. شوۋدا زاماناۋي تەليەۆيزيالىق جانە ۆيرتۋالدى تەحنولوگيالار ينتەگراتسيالاناتىن بولادى. بۇل كورەرمەنگە ءارتىستىڭ جاندى قويىلىمىنىڭ اتموسفەراسىنا بارىنشا ەنۋگە مۇمكىندىك بەرەدى. ديماش قۇدايبەرگەننىڭ ونلاين كونتسەرتىن ۇيىمداستىرۋ ءۇشىن 140 ادامنان تۇراتىن ينتەرناتسيونال كوماندا ەڭبەك ەتىپ جاتىر. كونتسەرت بارىسىندا ديماش بىرنەشە تىلدە ءان ايتادى.
«ديماش شىعارماشىلىعىنىڭ جانكۇيەرلەرى ءۇشىن قىزىقتى نارسە جاساۋعا تىرىستىق. بىرنەشە اي بويى ەستە قالارلىق جانە ەرەكشە دۇنيە جاساۋ ءۇشىن ۇزدىكسىز ەڭبەك ەتتىك. بۇل كونتسەرت بارلىق كورەرمەنگە قۋانىش سىيلاپ، سوڭعى ۋاقىتتا بارلىعىمىزعا قاتتى اسەر ەتكەن جاعدايدان ارىلۋعا كومەكتەسسە دەگەن تىلەگىمىز بار»، - دەپ ءبولىستى «DimashAl» شىعارماشىلىق ورتالىعىنىڭ جەتەكشىسى، جوبانىڭ پروديۋسەرى قانات ايتبايەۆ.
كونسەرت جونىندە ديماش بىلاي دەيدى: «ەڭ الدىمەن وسى كونسەرتتى ۇيىمداستىرۋمەن اينالىساتىن بۇكىل كومانداعا، سونداي- اق ءوز شىعارماشىلىعىنىڭ جانكۇيەرلەرىنە ۇلكەن قولداۋى ءۇشىن العىسىمدى جەتكىزگىم كەلەدى. مەن قايتادان ساحناعا شىعىپ، كورەرمەنمەن كەزدەسۋدى اسىعا كۇتەمىن. ءبارى جاقسى بولادى دەپ ۇمىتتەنەمىن».
كونسەرت الەمدىك www.tixr.com پلاتفورماسىندا وتەدى. 2013 -جىلدان باستاپ TIXR كەز كەلگەن اۋقىمداعى ءىس- شارانى جوسپارلاۋدى، قايدا نە بولاتىنى جانە بيلەت يندۋسترياسىن دامىتۋدىڭ جاھاندىق ورتالىقتارىنىڭ ءبىرى سانالادى. Tixr كومپانياسى ونلاين كونتسەرتتەر الەمىنە قاشىقتىقتان بيلەت ساتۋ ماقساتىندا قۇرىلدى. Tixr پلاتفورماسى الەمدەگى جەتەكشى كلۋبتاردىڭ، فەستيۆالدەر، كونفەرەنتسيا جانە باسقا دا كوپتەگەن ۇيىمداردىڭ سەرىكتەسى. كومپانيانىڭ قۋاتتى فۋنكتسيالارى، سيفرلىق جۇيەنى ءتيىمدى پايدالانۋ ءادىسى، كەشەندى شەشىمدەرى ەڭ مىقتى باعدارلامالارمەن جۇمىس ىستەۋگە مۇمكىندىك بەرەدى.
بۇل پلاتفورمانىڭ ءوزى سانتا- مونيكانىڭ جۇرەگى كاليفورنيادا ورنالاسقان. وسى پلاتفورمانى 4 دۇركىن گرەممي درەيك يەگەرى، مۋزىكانت، اكتەر جانە پروديۋسەر، بىرنەشە پلاتينا سىيلىعىن العان ورىنداۋشى سنۋپ دوگگ، اتى اڭىزعا اينالعان KISS روك- توبى جانە باسقالار پايدالانعان.