+7 (701) 759 90 19
-10 °С : نۇر-سۇلتان
-5 °С : الماتى
USD 421.98 EUR 511.61
RUB 5.61 CNY 65.27
جاڭالىقتار

عالىمدار: كوروناۆيرۋس ادامدى تەز قارتايتادى

3 جەلتوقسان 22:02
:ءبولىسۋ
عالىمدار: كوروناۆيرۋس ادامدى تەز قارتايتادى

كوروناۆيرۋستىڭ سالدارى ادام اعزاسىندا ءبىز ويلاعاننان دا كوبىرەك بولۋى مۇمكىن. بۇيرەك، وكپە جۇمىسىنا كەرى اسەرىنەن بولەك، تەز قارتايۋعا اكەلۋى دە عاجاپ ەمەس.

الەم عالىمدارىنىڭ بۇل پىكىرىمەن قازاقستاندىق كەي ماماندار دا كەلىسەتىنىن ايتادى، دەپ حابارلايدى «حابار 24». كوروناۆيرۋس ادامدى تەز قارتايتادى. الەمدىك جانە قازاقستاندىق عالىمدار وسىلاي دەيدى. دەگەنمەن، بۇل ءالى جاھاندىق دەڭگەيدە زەرتتەلۋگە ءتيىس دەرەك.

جالپى كەسەلدىڭ ادام اعزاسىنا زاردابى از ايتىلىپ جۇرگەن جوق. بۇعان دەيىن دە ينفەكتسيا جۇقتىرعاندار ەمدەلگەن سوڭ، ءبىراز ۋاقىت وڭالتۋ كۋرسىنا بارۋ قاجەتتىگى ەسكەرتىلدى. ەلدەگى ۇلتتىق كارديولوگيالىق ورتالىق عىلىمي تۇرعىدا زەرتتەۋ جۇمىستارىمەن اينالىسۋدا. وندا كوروناۆيرۋستىڭ اۋىر تۇرىنە شالدىققانداردى قايتا وڭالتۋ جولدارى زەرتتەلىپ جاتىر.

مارجان مىرزالى، قوعامدىق دەنساۋلىق ساقتاۋ مامانى:

- اۋىرعانداردىڭ ىشىندە %70 ىندە 60 جاستاعى كىسىلەردىڭ ورگاندارى قالاي زاقىمدانادى، 40 جاستاعى ادامداردىڭ اعزاسى ءدال سونداي. بۇل ءالى زەرتتەلۋى كەرەك. ادامنىڭ ءوز اۋرۋلارى بولۋى مۇمكىن. ۆيرۋس سول پروتسەسستەردى قوزدىرىپ جىبەرۋى مۇمكىن. سول كەزدە ادامنىڭ ءوزى بىلمەگەن اۋرۋلارى پايدا بولادى.

ا ق ش جانە قىتاي عالىمدارى كوروناۆيرۋستىڭ بۇيرەك جۇيەسىنە كەرى اسەرىن عىلىمي تۇرعىدا دالەلدەپ ۇلگەردى. بۇل كەز كەلگەن مەملەكەت ءۇشىن ويلانارلىق جاعداي. «وكپەگە دە زيانى از ەمەس» - دەيدى عالىمدار. ۆيرۋستىڭ باستاپقى وشاعى قىتاي بولسا، عالىمدارىن ىندەتتىڭ سالدارىمەن كۇرەسۋگە جۇمىلدىردى. ءسويتىپ، ونداعى ماماندار عىلىمي زەرتتەۋدىڭ كوڭىلگە قونىمدى تۇستارىن دا جاريالادى.

ۆان گۋيتسيان، بەيجىڭ ۋنيۆەرسيتەتىنىڭ پروفەسسورى:

- كوروناۆيرۋستىڭ سالدارى ادام بويىندا ماڭگىگە تۇراقتاپ قالمايدى. تولىق جازىلاتىن كەزەڭ بولادى. ناۋقاستاردىڭ كوبىندە ءبىراز ۋاقىتقا دەيىن دەمىكپە بولۋى مۇمكىن. السىرەۋ، قالجىراۋ سىندى جاعدايلار 2-3 ايدان كەيىن تىيىلادى. تەك سوزىلمالى اۋرۋ بولماۋى كەرەك. ادامعا مۇنداي ساتتە پسيحولوگيالىق قولداۋ كوبىرەك قاجەت. ال كوروناۆيرۋستىڭ ەڭ اۋىر ءتۇرىن باستان كەشكەندەرگە كەلسەك، ولاردى باستان- اياق باقىلاپ، اياققا نىق تۇرىپ كەتكەن كەزىن كۇتكەن ءجون. راسىندا دا اۋرۋدىڭ جەڭىل تۇرىنە شالدىققان ازاماتتاردىڭ وڭالۋى دا تەز جۇرەدى. ولاردىڭ پسيحولوگيالىق، ەموتسيالىق كۇيى سالىستىرمالى تۇردە تۇراقتى. ال كوۆيدتىڭ اۋىر تۇرىنە دۋشار بولعاندارعا وڭاي سوقپايدى. ومىرىنە ايتارلىقتاي قاۋىپ تونبەسە دە، ولار قورقىنىش پەن ۇرەيدەن تولىق ارىلا المايدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات