ەلىمىزدىڭ التى وڭىرىندە اۋا رايىنا بايلانىستى ەسكەرتۋ جاريالاندى

نۇر- سۇلتان. قازاقپارات - ەلىمىزدىڭ 6 وڭىرىندە اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

تۇركىستان وبلىسىندا 4-جەلتوقساندا كەي جەرلەردە تۇمان، كوكتايعاق، جاياۋ بۇرقاسىن بولۋى مۇمكىن. سولتۇستىك- شىعىستان سوعاتىن جەلدىڭ جىلدامدىعى سەكۋندىنا 15-20 مەترگە جەتەدى.

شىمكەنتتە 4- جەلتوقساندا كوكتايعاق بولادى. اۋا رايى بولجامىنىڭ دالدىگى %90-95. وسكەمەن، ريددەر قالالارى مەن جاڭا بۇقتىرما اۋىلىندا 4-جەلتوقساندا 21.00 گە دەيىن 2- دارەجەلى جاعىمسىز مەتەورولوگيالىق جاعداي قالىپتاسادى.

سولتۇستىك قازاقستان وبلىسىندا 4-جەلتوقساندا كەي جەرلەرگە تۇمان تۇسەدى. پەتروپاۆلدا دا تۇمان بولۋى مۇمكىن. اۋا رايى بولجامىنىڭ دالدىگى -% 90-95.

اقمولا وبلىسىندا 4-جەلتوقساندا كەي جەرلەردە تۇمان، جاياۋ بۇرقاسىن بولۋى مۇمكىن. سولتۇستىك- شىعىستان جەل سوعىپ، جىلدامدىعى 15-20 م/س جەتەدى. اۋا رايى بولجامىنىڭ جالدىگى -%85-90.

ماڭعىستاۋ وبلىسىنىڭ سولتۇستىگىندە 4-جەلتوقسان كۇنى تۇندە 22 گرادۋسقا دەيىن قاتتى اياز بولۋى مۇمكىن. جولدا كوكتايعاق ساقتالادى. اۋا رايى بولجامىنىڭ دالدىگى %85-90.