+7 (701) 759 90 19
-9 °С : نۇر-سۇلتان
-4 °С : الماتى
USD 421.98 EUR 511.61
RUB 5.61 CNY 65.27
جاڭالىقتار

قايىرىمدىلىق جاساۋدان ادام رۋحاني ءلاززات الادى - قوعامدىق قور قۇرىلتايشىسى

3 جەلتوقسان 20:46
:ءبولىسۋ
قايىرىمدىلىق جاساۋدان ادام رۋحاني ءلاززات الادى - قوعامدىق قور قۇرىلتايشىسى

نۇر- سۇلتان. قازاقپارات - «مەكتەپكە جول» جوباسى اياسىندا سوڭعى بەس جىلدا وقۋشىلار 36 ميلليون تەڭگەنىڭ وقۋ قۇرال- جابدىعىمەن قامتاماسىز ەتىلدى.

بۇل تۋرالى ورتالىق كوممۋنيكاتسيالار قىزمەتىندە وتكەن ونلاين بريفينگتە «شۇعىلا» قوعامدىق قورىنىڭ قۇرىلتايشىسى مەيرحان ابدراحمانوۆ ايتتى، دەپ حابارلايدى قازاقپارات ءتىلشىسى.

«ءبىز بەلگىلى ءبىر الەۋمەتتىك توپتاعى ادامدارعا كومەكتەسەمىز، ولار: كوپبالالى وتباسىلار، تولىق ەمەس وتباسىلار جانە مۇگەدەك بالا تاربيەلەپ وتىرعان وتباسىلار. ولارعا الەۋمەتتىك جاعىنان، مەديتسينالىق تۇرعىدا كومەك كورسەتەمىز. سونداي- اق، قايىرىمدىلىققا قاتىستى بىرنەشە جوبامىز بار. سونىڭ ءبىرى - «بەرەكە» جوباسى. بۇل جوبا اياسىندا ءبىز ازىق- تۇلىك ساتىپ الىپ، قوراپتارعا سالىپ، اكىمدىكتەن مۇقتاج وتباسىلاردىڭ ءتىزىمىن الىپ، تاراتامىز. ازىق- تۇلىك تاراتۋشىلار ومىردە قانداي جاعداي بولۋى مۇمكىن ەكەنىن كوزبەن كورەدى. قايىرىمدىلىق جاساۋ بارىسىندا ادام رۋحاني ءلاززات الادى»، - دەيدى «شۇعىلا» قوعامدىق قورىنىڭ قۇرىلتايشىسى مەيرحان ابدراحمانوۆ.

ونىڭ ايتۋىنشا، ول قولعا العان ەكىنشى جوبا «جىلۋ سىيلا» دەپ اتالادى.

«بۇل جوبا اراسىندا كومىرگە مۇقتاج وتباسىلارعا كومىر تاراتامىز. 5 جىل ىشىندە الماتى وبلىسىندا 3 ميلليون 600 مىڭ توننا كومىر تاراتتىق. ءۇشىنشى جوبامىز وتباسىنىڭ وتباسىعا كومەكتەسۋىنە نەگىزدەلگەن. جاعدايى جاقسى وتباسىلاردا كوپ كيىم ارتىلىپ قالادى. سول كيىم- كەشەكتى قوردىڭ دۇكەنىنە وتكىزەدى. ال مۇقتاج ادامدار سول دۇكەنگە كەلىپ، كيىم الا الادى. 3-4 جىل ىشىندە 96 تونناداي كيىم- كەشەك تاراتتىق. سونداي- اق، «مەكتەپكە جول» دەپ اتالاتىن جوبامىز بار. سوڭعى بەس جىلدا وقۋشىلاردى 36 ميلليون تەڭگەنىڭ وقۋ قۇرال- جابدىعىمەن قامتاماسىز ەتتىك. سونىمەن قاتار، الەۋمەتتىك جاعدايى تومەن وتباسىلارعا فليۋروگرافيادان تەگىن وتۋگە، م ر ت- عا تەگىن تۇسۋگە كومەكتەسەمىز. سال اۋرۋىنا شالدىققان بالالارعا تەگىن ماسساج جاساتۋ جانە باسقا دا پروتسەدۋرالارىنا كومەكتەسەمىز. الەۋمەتتىك سالاعا قاتىستى «ءبىلىم جولى» دەگەن جوبامىز بار. بۇل جوبا اياسىندا الەۋمەتتىك جاعدايى تومەن وتباسىلاردىڭ بالالارىن ۇ ب ت- عا دايىندايمىز جانە اعىلشىن ءتىلىن ۇيرەتەمىز. بيىل پاندەميا كەزىندە حالىقپەن بىرگە 450 ميلليون تەڭگە جيناپ، شىلدە- تامىز ايلارى ارالىعىندا ەلىمىزدەگى 380 مەديتسينالىق ۇيىمعا 4000 وتتەگى كونتسەنتراتورىن تاراتتىق»، - دەيدى ول.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات