+7 (701) 759 90 19
-9 °С : نۇر-سۇلتان
-4 °С : الماتى
USD 421.98 EUR 511.61
RUB 5.61 CNY 65.27
جاڭالىقتار

ا ق ش- تىڭ جۇمباق ارالى گۋام

3 جەلتوقسان 20:02
:ءبولىسۋ
ا ق ش- تىڭ جۇمباق ارالى گۋام

نۇر-سۇلتان. قازاقپارات - گۋام - تىنىق مۇحيتىنىڭ باتىسىنداعى ارال. ايماقتىق جاعىنان ازيادا ورنالاسقانىمەن، ول ا ق ش- قا تيەسىلى. ءبىر قىزىعى، ول جەرگە جەتۋ ءۇشىن سىزگە ۆيزا دا قاجەت ەمەس.

نازارىڭىزعا ارالدىڭ تاريحى، تابيعاتى ول جەردەگى قىزىق داستۇرلەر تۋرالى مالىمەت ۇسىنامىز.

«امەريكا كۇنى» گۋامدا باستالادى

گۋام - ماريانا ارالدارى ارحيپەلاگىنىڭ بولىگى. ارال ا ق ش تەرريتورياسىنىڭ بولىگى سانالادى، ءبىراق گۋام امەريكا كونتينەنتىنەن 11500 شاقىرىم قاشىقتا جاتىر. سالىستىرۋ ءۇشىن ايتار بولساق ارالدان جاپونياعا جەتۋ ءۇشىن 2500 شاقىرىم ءجۇزۋ كەرەك. گۋامدا جاڭا كۇنتىزبەلىك كۇن سولتۇستىك امەريكاعا قاراعاندا 15 ساعات بۇرىن باستالادى، سوندىقتان «امەريكا كۇنى» الدىمەن وسى ارالدا باستالادى. قاشىقتىققا قاراماستان، جەرگىلىكتى تۇرعىندار (كوبىنە چاموررو جانە فيليپپيندىكتەر) امەريكا ازاماتتىعىنا يە، اعىلشىن ءتىلىن جەتىك بىلەدى، ساۋدا ا ق ش دوللارىمەن جۇرەدى جانە تاۋەلسىزدىك كۇنىن 4-شىلدەدە اتاپ وتەدى. 2000 -جىلداردىڭ باسىنان باستاپ گۋامداعى تۋريزم بەلسەندى دامىپ كەلەدى. ارال اسىرەسە جاپوندار، كورەيلەر جانە امەريكا كونتينەنتىنىڭ تۇرعىندارى اراسىندا تانىمال.


گۋامنىڭ تاريحى

ءبىزدىڭ داۋىرىمىزگە دەيىنگى ەكىنشى مىڭجىلدىقتىڭ ورتاسىندا گۋامدى چاموررو باسىپ الدى، ال ەۋروپالىق كوشپەندىلەر XVI عاسىردىڭ باسىندا فەرنان ماگەللان ەكسپەديتسياسىمەن كەلدى. كەلەسى عاسىرلاردا گۋام يسپانيالىقتاردىڭ مەكسيكا مەن فيليپپين اراسىنداعى ساۋدا جولىنداعى ترانزيت پۋنكتى بولدى. سونىمەن قاتار، ارال تۇرعىندارى حريستيان ءدىنىن قابىلدادى. چاموررو حالقى يسپان ساۋدا ورىندارىندا قىزمەت ەتكەن يسپاندارعا، مەكسيكالىقتارعا، فيليپپيندىكتەرگە ۇيلەندى. ⅩⅨعاسىردىڭ اياعىندا، يسپان- امەريكا سوعىسىنان كەيىن گۋام ا ق ش باقىلاۋىنا ءوتتى. بيلەۋشىلەردىڭ ءجيى اۋىسۋى جەرگىلىكتى حالىقتىڭ ءوز ءتىلى مەن ءداستۇرىن وسى كۇنگە دەيىن ساقتاۋعا كەدەرگى بولمادى. مادەنيەتتىڭ الۋان ءتۇرلى بولۋى كەرىسىنشە، قالالىق ساۋلەت ونەرى مەن جەرگىلىكتى تاعامدارعا اسەر ەتتى.


گۋامداعى اۋا تەمپەراتۋراسى +25 گرادۋستان سالقىن بولمايدى

مامىر مەن قاراشا ايلارى ارالىعىندا گۋامدا جاڭبىر جاۋادى. ءجيى بولماسا دا، تروپيكالىق تاسقىندار بولادى. وسى ماۋسىمدا دا اۋا- رايى جىلى ءارى جاعىمدى. جەلتوقساننان مامىرعا دەيىن اۋا تەمپەراتۋراسى +26، +27 گرادۋس بولادى.

گۋام - جاعاجايلار مەن قورىقتاردىڭ ارالى

گۋام - سالىستىرمالى تۇردە شاعىن اۋدان. وندا اق قۇمدى جاعاجايلار، تاۋلار، تىنىش شىعاناقتار جانە كەڭ جاعالار بار. دجۋنگلي، جارتاستى جانە سارقىرامالى قورىقتار ارقىلى ساياحاتتار تۋريستەر اراسىندا ەرەكشە تانىمال. گۋامدا جاياۋ سەرۋەندەۋگە ارنالعان جولدار جەلىسى بار: جەرگىلىكتى گيدتەر تۋريستەردى وسى ايماقپەن تانىستىرادى جانە ولارعا ءوزىنىڭ مادەني مۇراسى، چاموررو حالقىنىڭ ءداستۇرلى اۋىلدارى، لاتتە تاستارى جانە ەكىنشى دۇنيەجۇزىلىك سوعىس كورىنىستەرى تۋرالى ايتىپ بەرەدى.


گۋامدا ەكىنشى دۇنيەجۇزىلىك سوعىستىڭ كوپتەگەن ەسكەرتكىشى بار

ەكىنشى دۇنيەجۇزىلىك سوعىس كەزىندە گۋامدى جاپوندار باسىپ الدى، ءبىراق 1944 -جىلى بۇل ارالدى ا ق ش اسكەري- تەڭىز كۇشتەرى ءوز باقىلاۋىنا الادى. سودان بەرى ەسكەرتكىشتەر، ۇلتتىق تاريحي پارك، قارۋ- جاراق كەشەندەرى جانە سوعىستىڭ بىزگە بەلگىسىز ەپيزودتارى تۋرالى «سويلەيتىن» باسقا دا كورنەكتى ورىندار گۋامدا مەنمۇندالاپ تۇر. ارالدا امەريكانىڭ اسكەري بازاسى دا بار.


گۋامداعى سۋ استى تاڭعاجايىپتارى

گۋامداعى سۋ استى تاڭعاجايىپتارىن سوزبەن جەتكىزە المايسىز. سۋ استىنان بالىقتاردى عانا ەمەس سۋعا باتقان كەمەلەردى دە كورۋگە بولادى. اپرا پورتىنا جاقىن جەردە 30 مەتر تەرەڭدە ءبىرىنشى دۇنيەجۇزىلىك سوعىستاعى نەمىس كرەيسەرى جانە ەكىنشى دۇنيەجۇزىلىك سوعىستاعى جاپون كەمەسى بار.

گۋام - ءارتۇرلى مادەنيەت ارالى

گۋام استاناسى حاگاتناعا جاقىن جەردە تۋريستەر چاموررو حالقىنىڭ مادەنيەتىمەن، تاعامدارىمەن جانە ءومىر سالتىمەن تانىسا الاتىن ءداستۇرلى اۋىل بار. تەڭىز تاعامدارىن جەرگىلىكتى حالىق اسپازدارىنىڭ قولىنان قولجەتىمدى باعادا ساتىپ الىپ، ءدامىن تاتۋعا بولادى. گۋامنىڭ ورتالىق بولىگىندە ەكىنشى دۇنيەجۇزىلىك سوعىستىڭ ىزدەرى ساقتالعان.

گۋامدا دجۋنگلي، ۇڭگىرلەر مەن سارقىرامالار بار

ول ءۇشىن ارالدىڭ وڭتۇستىك بولىگىنە بارىڭىز. مۇندا ءسىز ناعىز تروپيكالىق دجۋنگليدى ارالاپ، سارقىرامالار مەن ۇڭگىرلەردى تاماشالاي الاسىز، سونداي- اق ءبىر كەزدەرى ماگەللان ەكسپەديتسياسى قونىستانعان ۋماتاك اۋىلىن ارالاي الاسىز. سونىمەن قاتار، گۋامنىڭ وڭتۇستىك بولىگىندە تالوفوفو شىعاناق جاعالاۋى بار، وعان جىل سايىن جەل ماۋسىمى كەزىندە جۇزدەگەن سەرفەر كەلەدى.


گۋام - باجسىز ساۋدا ايماعى

مۇندا ونىمدەر ءۇشىن باج سالىعى جوق، ولاردىڭ باعاسى دا الدەقايدا ارزان. ارالداعى ساۋدا ورتالىعى - تۋمون قالاسى: مۇندا ءىرى ساۋدا كوشەلەرى، ساۋدا نۇكتەلەرى مەن ساۋدا ورتالىقتارى بار. دەمالىس كۇندەرى تۋريستەر دەدەدو اۋىلىنا بارىپ، جەرگىلىكتى نارىقتى زەرتتەيدى، ال سارسەنبىدە چاموررو كەنتىندە تۇنگى بازار بار، وندا كادەسىيلار ساتىپ الۋعا جانە جەرگىلىكتى اسحانادان ءدام تاتۋعا بولادى.

massaget.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات