+7 (701) 759 90 19
-9 °С : نۇر-سۇلتان
-4 °С : الماتى
USD 421.98 EUR 511.61
RUB 5.61 CNY 65.27
جاڭالىقتار

ۇلى بريتانيا تۇرعىندارى كوروناۆيرۋسقا قارسى جاڭا ۆاكسيناسى تۋرالى نە دەيدى؟

3 جەلتوقسان 19:09
:ءبولىسۋ
ۇلى بريتانيا تۇرعىندارى كوروناۆيرۋسقا قارسى جاڭا ۆاكسيناسى تۋرالى نە دەيدى؟

نۇر-سۇلتان. قازاقپارات - ۇلى بريتانيا - كوروناۆيرۋسقا قارسى Pfizer ،BioNTech ۆاكسيناسىن الەمدە العاشقى بولىپ ماقۇلداعان مەملەكەت. ەكپە كەلەر اپتانىڭ باسىنان باستاپ الدىمەن وسال توپقا ەگىلەتىن بولادى.

تەز ارادا دايىندالعان مەديتسينالىق پرەپارات شىنىمەن دە قاۋىپسىز بە؟ ۆاكسينانىڭ قانداي كەرى اسەرى بولۋى مۇمكىن؟

Pfizer كومپانياسى كلينيكالىق زەرتتەۋلەرىنىڭ ناتيجەلەرى جاريالانعاننان كەيىن 23 كۇن وتكەن سوڭ بريتانيالىق تاراپ Pfizer، BioNTech ۆاكسيناسىن جەدەل تۇردە قولدانىسقا ەنگىزۋگە رۇقسات ەتىپ وتىر. ۆاكسينا جاساندى تۇردە سينتەزدەلگەن ماتريتسالىق رۋبينۋكلەين قىشقىلىنا نەگىزدەلگەن. ول اعزاعا ەنگەن جاعدايدا يممۋنيتەتتى نىعايتاتىن انتيدەنەلەر وندىرە باستايدى.

مەتت حەنكوك، ۇلى بريتانيا دەنساۋلىق ساقتاۋ ءمينيسترى:

- ءبىز - ءساتتى جاسالعان ۆاكسيناعا الدىن الا تاپسىرىس بەرگەن الەمدەگى العاشقى ەلمىز. بىزدە 40 ميلليون دوزا بار. ول 20 ميلليون ادامعا جەتەدى، ويتكەنى ءار ادامعا ەكى دوزادان كەرەك. ۆاكسينانىڭ ءاربىر پارتياسىنىڭ قاۋىپسىزدىگى ءجىتى تەكسەرۋدەن وتەدى. بۇگىن تاڭەرتەڭ العاشقى 800 مىڭ دوزا زەرتتەۋدەن ءوتتى جانە ولار وسال توپقا جاتاتىن ەگدە جاستاعى كىسىلەرگە جانە مەديتسينا قىزمەتكەرلەرىنە تەگىن ەگىلۋگە دايىن.

جاپپاي ۆاكسيناتسيا جاسالادى دەپ جوسپارلانعان ورىنداردىڭ ءبىرى - لوندون ماڭىنداعى ەپسوم يپپودرومى. دەربي ات جارىستارى وتەتىن جەر ەندى مەديتسينالىق ورتالىققا اينالماق. جاڭالىقتى ەستىگەن بريتانيالىقتاردىڭ اراسىندا قۋانعاندار دا، وعان كۇمانمەن قاراعاندار دا بار.

پول وفاررەل، لوندون تۇرعىنى:

- كوپتەگەن ءدارى قىسقا مەرزىمدە دايىندالاتىنى راس. ءبىراق ولاردى حالىققا بەرمەس بۇرىن ءبىراز جىل تەكسەرەدى. سوندىقتان مەنىڭ ۆاكسيناعا دەگەن سەنىمىم جوق.

عالىمداردىڭ پىكىرىنشە، ۆاكسينا جەدەل جاسالعانىمەن، ساپاسىندا كىنارات جوق. وعان جۇرگىزىلگەن سىناق كەزىندە ادام ومىرىنە كەرى اسەر ەتەتىندەي فاكتىلەر تىركەلمەپتى. ۆاكسينانىڭ تيىمدىلىگى 95 پايىز ەكەندىگىنە تاۋەلسىز ساراپشىلاردىڭ دا كوزدەرى جەتكەن.

دجۋن رەين، ۇلى بريتانيا ءدارى- دارمەك جانە مەديتسينالىق زاتتاردى رەتتەۋ اگەنتتىگىنىڭ اتقارۋشى ديرەكتورى:

- جۇرتشىلىق تەكسەرۋ جۇمىستارىنىڭ ءجىتى جۇرگىزىلگەنىنە تولىق سەنۋى كەرەك. Pfizer- BioNTech ۆاكسيناسىنىڭ قاۋىپتەن گورى اكەلەر پايداسى كوپ.

لوندوندىق گيگيەنا جانە تروپيكالىق مەديتسينا مەكتەبىنىڭ زەرتەۋلەرىنە قاتىسقان ون ادامنىڭ توعىزى COVID-19-دان قورعايتىن ۆاكسيناعا قارسى ەمەس ەكەندىكتەرىن ايتقان. ال قارا ناسىلدىلەردىڭ، ازيالىقتاردىڭ جانە باسقا دا ارالاس ەتنيكالىق توپتاعىلاردىڭ كوپشىلىگى ودان باس تارتاتىندىقتارىن جاسىرماعان.

ايتا كەتۋ كەرەك، سوڭعى تاۋلىكتە بىرىككەن كورولدىكتە 16 مىڭنان استام ادام قاۋىپتى ىندەتتىڭ ىلمەگىنە ىلىنگەن، ال 650 ناۋقاس ۆيرۋستىڭ قۇربانى بولدى.

www.24.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات