قاسىم- جومارت توقايەۆ ەربولات دوسايەۆتى قابىلدادى

نۇر- سۇلتان. قازاقپارات - مەملەكەت باسشىسى ۇلتتىق بانك ءتوراعاسى ەربولات دوسايەۆتى قابىلدادى، دەپ حابارلايدى اقوردانىڭ باسپا ءسوز قىزمەتى.

قاسىم- جومارت توقايەۆقا بيىلعى 11 ايداعى اقشا- نەسيە ساياساتىن جۇزەگە اسىرۋدىڭ الدىن الا قورىتىندىلارى، الەمدىك قارجى نارىقتارىنىڭ قازىرگى احۋالى مەن ولاردى قالپىنا كەلتىرۋدىڭ پەرسپەكتيۆالارى تۋرالى باياندالدى.

سونداي- اق 2025 -جىلعا دەيىنگى ۇلتتىق تولەم جۇيەسىن دامىتۋ باعدارلاماسىن ىسكە اسىرۋ بويىنشا قابىلدانعان شارالار تۋرالى ايتىلدى. پرەزيدەنتكە زەينەتاقى اكتيۆتەرىنىڭ جاعدايى تۋرالى ەسەپ بەرىلىپ، مەملەكەتتىك قارىزدى باسقارۋدىڭ تيىمدىلىگىن ارتتىرۋ جونىندە ۇسىنىستار ايتىلدى.

سونىمەن قاتار، ەربولات دوسايەۆ مەملەكەت باسشىسىنا ورتا مەرزىمدى كەزەڭدە ۇلتتىق بانكتى جانە قارجى سەكتورىن سيفرلاندىرۋدىڭ نەگىزگى باعىتتارى تۋرالى اقپارات بەردى. قاسىم- جومارت توقايەۆ كەزدەسۋ سوڭىندا ەربولات دوسايەۆقا ءبىرقاتار ناقتى تاپسىرما بەردى.