+7 (701) 759 90 19
-10 °С : نۇر-سۇلتان
-5 °С : الماتى
USD 421.98 EUR 511.61
RUB 5.61 CNY 65.27
جاڭالىقتار

قازاقستان رەسەيدەن بايقوڭىر اۋماعىن زاڭسىز قالدىقتاردان تازارتۋدى تالاپ ەتتى

3 جەلتوقسان 17:28
:ءبولىسۋ
قازاقستان رەسەيدەن بايقوڭىر اۋماعىن زاڭسىز قالدىقتاردان تازارتۋدى تالاپ ەتتى

نۇر- سۇلتان. قازاقپارات - بايقوڭىر قالاسىنىڭ رەسەي فەدەراتسياسىنا جالعا بەرىلگەن اۋماقتارىندا 1,9 ميلليون توننا زاڭسىز قۇرىلىس قالدىقتارى جاتىر.

بۇل تۋرالى ءماجىلىس دەپۋتاتتارىنىڭ ساۋالىنا وراي ق ر پرەمەر- ءمينيسترى اسقار ءماميننىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«بايقوڭىر» كەشەنىنىڭ 5 الاڭىندا (№9، 9گ، 9 ت ز ب، 15 گ جانە 20) رۇقسات ەتىلمەگەن ورىنداردا ورنالاسقان قۇرىلىس جانە باسقا دا قالدىقتار رەسەي فەدەراتسياسىنا جالعا بەرىلگەن جەر ۋچاسكەلەرىندە ورنالاسقان. 2018 -جىلى مۇددەلى مەملەكەتتىك ورگاندار قاتارىنان (ق ر ەگترم، بايقوڭىر قالاسىنىڭ اكىمشىلىگى، رەسەي فەدەرالدى بيومەديتسينالىق اگەنتتىگى) كوميسسيا قۇرىلدى، رۇقسات ەتىلمەگەن قوقىس ورىندارى مەن جەر ۋچاسكەلەرىن ورنالاستىرۋ سحەماسى جاسالدى. تۇزىلەتىن قالدىقتاردىڭ ورىندارى، كولەمى جانە ولاردىڭ مورفولوگيالىق قۇرامى انىقتالدى»، - دەدى پرەمەر- مينيستر.

ونىڭ ايتۋىنشا، جوعارىدا اتالعان كوميسسيانىڭ جۇمىسىن تۇگەندەۋ اكتىسىنە سايكەس بايقوڭىر قالاسىنىڭ اۋماعىندا رۇقسات ەتىلمەگەن جەرلەردە ورنالاسقان قيراعان عيماراتتار مەن قۇرىلىستاردىڭ جانە باسقا دا قالدىقتاردىڭ جالپى كولەمى 1,9 ميلليون توننانى قۇرايدى.

«ەكولوگيا، گەولوگيا جانە تابيعي رەسۋرستار مينيسترلىگى بايقوڭىر قالاسى اكىمشىلىگىنىڭ باسشىسىنا قالا اۋماعىن قازاقستان رەسپۋبليكاسىنىڭ ەكولوگيالىق زاڭناماسىنىڭ تالاپتارىنا سايكەس كەلتىرۋ جونىندە تۇبەگەيلى شارالار قابىلداۋ تۋرالى حات جولدادى. قازىرگى ۋاقىتتا ەكولوگيا، گەولوگيا جانە تابيعي رەسۋرستار مينيسترلىگى قىزىلوردا وبلىسىنىڭ اكىمدىگىمەن بىرلەسىپ، رەسەي تاراپىمەن وسى ماسەلەنى پىسىقتاۋدى جالعاستىرۋدا»، - دەدى اسقار مامين.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات