ق ر پرەزيدەنتى رەسەي پرەزيدەنتى اكىمشىلىگى باسشىسىنىڭ ورىنباسارى دميتريي كوزاكتى قابىلدادى

نۇر- سۇلتان. قازاقپارات - قاسىم- جومارت توقايەۆ قازاقستانعا پرەزيدەنت ۆلاديمير پۋتيننىڭ تاپسىرماسىمەن كەلگەن رەسەي پرەزيدەنتى اكىمشىلىگى باسشىسىنىڭ ورىنباسارى دميتري كوزاكتى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

كەزدەسۋ بارىسىندا قازاقستان مەن رەسەي اراسىنداعى ارىپتەستىك پەن وداقتاستىقتىڭ وزەكتى ماسەلەلەرى تالقىلاندى. ساياسي، ساۋدا- ەكونوميكالىق جانە گۋمانيتارلىق ىنتىماقتاستىقتى دامىتۋعا، سونداي- اق، ەۋرازيالىق ينتەگراتسياعا، سونىڭ ىشىندە، جۋىردا وتەتىن جوعارعى ەۋرازيالىق ەكونوميكالىق كەڭەس وتىرىسىنا ەرەكشە كوڭىل ءبولىندى.

مەملەكەت باسشىسى رەسەي فەدەراتسياسىمەن وداقتاستىق بايلانىستاردىڭ كۇن تارتىبىندەگى كوپ قىرلى ءوزارا ءىس- قيمىلداردى نىعايتۋعا باسىمدىق بەرۋدىڭ ماڭىزدى ەكەنىن مالىمدەدى. ەكى ەل پرەزيدەنتتەرى اكىمشىلىكتەرىنىڭ اراسىندا ءوزارا ءىس- قيمىلداردى جانە بايلانىستاردى دامىتۋ جونىندە كەلىسىم جاسالدى.