قازاقستاندا جاسالعان كولىكتەر قانشالىقتى سەنىمدى؟ وندىرۋشىلەر ساپا ءۇشىن قانداي تالاپتار قويادى؟

نۇر-سۇلتان. قازاقپارات – «جاپون ساپاسى» دەگەن ۇعىمدى ەستىپ پە ەدىڭىز؟ ال «نەمىس سەنىمدىلىگى» دەگەندى؟

ءبىراق وتاندىق اۆتوءوندىرىس تۋرالى وسىعان ۇقساس نارسە ەستىدىڭىز بە؟ ارينە، جوعارىدا ايتىلعانداردىڭ پايداسىنا شىنىمەن كەرەمەت جاڭالىقتار مەن جەتىستىكتەر، تەحنيكالىق جانە ديزاينەرلىك رەۆوليۋتسيالار تۇرىندەگى ونجىلدىق دالەلدەردى كەلتىرۋگە بولادى. قازاقستاندىق اۆتويندۋستريا سالىستىرمالى تۇردە جاس، ءبىراق بۇل سونشالىقتى قاراپايىم با؟

ماشينا جاساۋ - ەكونوميكانى يندۋستريالاندىرۋدىڭ اجىراماس بولىگى جانە مەملەكەتتىڭ ماڭىزدى سالاسى. 2020 -جىلدىڭ 9 ايىندا عانا ونەركاسىپتە ءوندىرىس كولەمى 17 پايىزعا ءوسىپ، 1,2 تريلليون تەڭگە كولەمىنە جەتتى. ماشينا جاساۋ سەگمەنتىندەگى اۆتوموبيل ونەركاسىبىنىڭ ۇلەسى 26 پايىزعا جەتەدى، ەسەپتى كەزەڭدەگى ءوسۋ قارقىنى 52 پايىز.

بۇگىندە قازاقستاندا ىشكى نارىقتاعى سۇرانىستى جانە كورشىلەس ەلدەرگە، اتاپ ايتقاندا رەسەي فەدەراتسياسىنا ەكسپورتتى قامتاماسىز ەتەتىن بىرنەشە ماڭىزدى اۆتووندىرىستىك كەشەن جۇمىس ىستەيدى.

قوستانايلىق «سارىارقااۆتوپروم» كاسىپورنى ونىمدەرىنىڭ ساتىلىمى بىرنەشە اي بويى تۇراقتى ارتىپ كەلەدى - Chevrolet برەندى كوشباسشىعا اينالدى، Chevrolet Cobalt مودەلى ءداستۇرلى كوشباسشىلاردى مىنبەدەن الىپ تاستادى. زاۋىت جىلدام ءوسىپ كەلە جاتقان ءوندىرىس كولەمى كەزىندە ساپانى قالاي قامتاماسىز ەتەدى؟

Chevrolet وندىرىستىك جەلىسى وسىنداي كورنەكتى اۆتوموبيل ماركاسىنىڭ ليتسەنزيالانعان وكىلى رەتىندە ءونىم ساپاسىن باقىلاۋدىڭ ءبىرقاتار نەگىزگى ساتىسىن مىندەتتى تۇردە ورىندايدى:

كىرىس باقىلاۋى. بولاشاق ماشينانىڭ جاڭا بولشەكتەرى مەن توراپتارىنىڭ پارتياسى كەلگەندە بارلىق كومپونەنت تەحنيكالىق سيپاتتامالارعا جانە سىرتقى تۇرىنە قويىلاتىن تالاپتارعا سايكەس كەلەر- كەلمەسى تەكسەرىلەدى. بۇل كەزەڭدە تاسىمالداۋ كەزىندە بۇزىلعان زاتتار قابىلدانبايدى جانە دەرەۋ قايتارىلادى؛

ءوندىرىستى باقىلاۋ. بولاشاق اۆتوكولىكتى ءوندىرۋدىڭ بارلىق كەزەڭىندە وپەراتسيالاردى جەلىلىك باقىلاۋ جۇزەگە اسىرىلادى. باقىلاۋ، دياگنوستيكا جانە ارنايى ولشەۋ ءۇشىن قولدانىلاتىن جابدىقتىڭ سەرتيفيكاتسياسى مەن ستاندارتتارعا سايكەس ەكەنى بىرنەشە رەت تەكسەرىلەدى. بۇل ادەتتەگى «ادامي» باعالاۋدا بايقالا بەرمەيتىن ۇساق قاتەلەردى تۋدىرمايدى؛

سىناقتار. قۇراستىرۋ بىتكەننەن كەيىن ءار داناسى پوليگونعا جىبەرىلەدى، وندا كاسىبي جۇرگىزۋشى جولدا بارلىق كومپونەنت پەن مەحانيزمنىڭ دۇرىس جۇمىس ىستەيتىنىن، سونداي- اق مالىمدەلگەن سيپاتتامالارعا سايكەس ەكەنىن تەكسەرەدى؛

اۆتوكولىك زاۋىتتان شىعارىلعانعا دەيىن قورىتىندى باقىلاۋ قىزمەتى زاۋىتتا سوڭعى تەكسەرىستى جۇرگىزەدى جانە قۇراستىرىلعان ماشينانىڭ بۇعان دەيىنگى زەرتتەۋىنىڭ بارلىق كەزەڭىڭ تالدايدى؛

ساتۋ سالونىنا قابىلداماس بۇرىن ديلەرلەر اۆتوكولىكتى 50 دەن اسا پۋنكتتەن تۇراتىن چەك- ليست بويىنشا تەكسەرۋگە مىندەتتى.

بۇل تالاپتار General Motors ءوز سەرىكتەستەرىنە قوياتىن وندىرىستىك پروتسەستەرگە ارنالعان الەمدىك تالاپتاردىڭ ءبىر بولىگى عانا ەمەس، ءوندىرۋشىنىڭ اۆتوموبيلدىڭ بولاشاق قوجايىنى الدىنداعى مىندەتتەمەلەرى سانالادى. كولىك قاۋىپسىزدىگى، پايدالانۋ مەرزىمى، قۋات سيپاتتامالارى جانە تاعى باسقالارى - بۇل وندىرىستىك جانە باسقارۋ جۇيەلەرىندەگى كوپتەگەن ماماننىڭ ۇيلەسىمدى جۇمىسىنىڭ ناتيجەسى.

1981 -جىلدان بەرى اۆتوموبيل ونەركاسىبىندەگى تۇتىنۋشىلاردىڭ قاناعاتتانۋىن زەرتتەۋگە ارنالعان ءىرى اناليتيكالىق اگەنتتىك - J. D. Power كومپانياسى جاريالاعان سوڭعى مالىمەتتەر بويىنشا، سوڭعى ءبىر جىلدا Chevrolet الەمدىك قاۋىپسىزدىك رەيتينگىندە ءۇش ساتىعا كوتەرىلگەن، برەند 6-دان 3-ورىنعا جوعارىلادى. سەدان ساناتىنداعى ەڭ سەنىمدى كولىك بولىپ Chevrolet Malibu اتاندى. ايتپاقشى، ول قازاقستاندا دا شىعارىلادى جانە ەكى جيناقتا ۇسىنىلعان - 2.0LT جانە 2.0LTZ.

بۇل ەكى ليترلىك بيزنەس- سەداننىڭ كەرەمەت قۋاتى بار جانە ول سپورتتىق ديزايندا جاسالعان.