ا ق ش-تا تاعى ءبىر جۇمباق مونوليت تابىلدى

نۇر-سۇلتان. قازاقپارات – ا ق ش-تا تاعى ءبىر جۇمباق مونوليت تابىلدى. بۇل جولى مەتالل قۇرىلىم كاليفورنيا شتاتىنان تابىلعان، - دەپ حابارلايدى ريا نوۆوستي.

ەسكە سالايىق، وتكەن اپتادا يۋتا شتاتىنىڭ قوعامدىق قاۋىپسىزدىك دەپارتامەنتىنىڭ قىزمەتكەرلەرى ءشولدى جەردەن مەتالل مونوليتتى تاۋىپ الدى. بيۋرو وكىلدەرى جۇمباق قۇرىلىمدى قاراشا ايىنىڭ ورتاسىندا جابايى تابيعاتتى قورعاۋ قىزمەتكەرلەرىنە ءمۇيىزدى جابايى قوشقارلاردى ساناپ جۇرگەن كەزدە تاپقان. مونوليتتىڭ بيىكتىگى شامامەن 3-3,5 مەتر. بىرنەشە كۇننەن كەيىن مونوليت جۇمباق جاعدايدا جوعالىپ كەتكەن.

«بوگدەعالامشارلىقتار سىيلىعى». ا ق ش پەن رۋمىنياداعى جۇمباق مونوليتتەر قايدان شىقتى؟

ارتىنشا ا ق ش-تا تابىلعان مەتالل مونوليتكە ۇقساس نىسان 26-قاراشادا رۋمىنيادان دا تابىلدى. جەرگىلىكتى مادەنيەت جانە تاريحي مۇرا ءبولىمىنىڭ وكىلى بيلىك بيىكتىگى شامامەن ءتورت مەتر «جۇمباق تۋىندىنى» زەرتتەيتىنىن حابارلاعان. يۋتادان تابىلعان مونوليتكە قاراعاندا رۋمىنياداعى قۇرىلىم ءۇشبۇرىش جانە سىرتىندا ويۋلار بار بولىپ شىققان. ءبىراق رۋمىنياداعى مونوليت تە جوعالىپ كەتكەن.

سارسەنبى كۇنى تاعى ءبىر مەتالل مونوليت اتاسكادەرو قالاسىنداعى پاين تاۋىنىڭ باسىنان ابىلعان. مەتالل قۇرىلىم توت باسپايتىن بولاتتان جاسالعان. ونىڭ بيىكتىگى - 3 مەتر، ەنى - شامامەن 46 سانتيمەتر.

بولجام بويىنشا، كاليفورنيادان تابىلعان مونوليتتىڭ سالماعى 90 كەلى. قۇرىلىم تاۋدىڭ باسىنان قالاي انىقتالعانى تۇسىنىكسىز، الايدا جەرگىلىكتى تۋريستتىڭ سوزىنشە، سەيسەنبىدە بۇل مونوليت بولماعان.