پارلامەنت قابىلداعان زاڭ: پرەزيدەنتكە جاڭا وكىلەتتىك بەرىلەدى

None
None
نۇر-سۇلتان. قازاقپارات - پارلامەنت سەناتىنىڭ جالپى وتىرىسىندا قابىلدانعان «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» ق ر زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭى اياسىندا پرەزيدەنتكە جاڭا وكىلەتتىك بەرىلگەن، دەپ حابارلايدى قازاقپارات ءتىلشىسى.

سەناتتىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ مالىمەتىنشە، زاڭ جوباسىنىڭ ماقساتى - قازاقستان رەسپۋبليكاسىنىڭ اكىمشىلىك- اۋماقتىق قۇرىلىسى سالاسىنداعى زاڭناماسىن جەتىلدىرۋ.

زاڭ جوباسىمەن «قازاقستان رەسپۋبليكاسىنىڭ اكىمشىلىك- اۋماقتىق قۇرىلىسى تۋرالى» ق ر زاڭىنا مىناداي تۇزەتۋلەر ەنگىزىلەدى:

- قالاداعى اۋدانداردى ەلدى مەكەندەردىڭ قۇرامدىق بولىكتەرىنە جاتقىزۋ؛

- وبلىستىق ماڭىزى بار قالاداعى، رەسپۋبليكالىق ماڭىزى بار قالاداعى، استاناداعى حالىق سانى 400 مىڭ ادامنان استام بولعان كەزدە، ولاردا اۋدان قۇرۋ؛

- اۋداندىق ماڭىزى بار قالانىڭ، كەنتتىڭ جانە اۋىلدىڭ ولشەمشارتتارىن ناقتىلاۋ؛

- ق ر پرەزيدەنتىنە ق ر ۇكىمەتىنىڭ ۇسىنۋى بويىنشا جانە جەرگىلىكتى وكىلدى جانە اتقارۋشى ورگانداردىڭ پىكىرىن ەسكەرە وتىرىپ، رەسپۋبليكالىق، وبلىستىق جانە اۋداندىق ماڭىزى بار قالالاردى وزگە ەلدى مەكەندەر ەتىپ قايتا قۇرۋ تۋرالى شەشىم قابىلداۋ بويىنشا وكىلەتتىك بەرۋ؛

- قازاقستان رەسپۋبليكاسىنىڭ ۇكىمەتىنە قازاقستان رەسپۋبليكاسىنىڭ پرەزيدەنتىنە رەسپۋبليكالىق، وبلىستىق جانە اۋداندىق ماڭىزى بار قالالاردى وزگە ەلدى مەكەندەر ەتىپ قايتا قۇرۋ تۋرالى ۇسىنىم ەنگىزۋ بويىنشا جاڭا قۇزىرەت بەرۋ؛

- وبلىستىق وكىلدى جانە اتقارۋشى ورگاندارعا ق ر ۇكىمەتىنە وبلىستىق جانە اۋداندىق ماڭىزى بار قالالاردى وزگە ەلدى مەكەندەر ەتىپ قايتا قۇرۋ تۋرالى ۇسىنىس ەنگىزۋ بويىنشا جاڭا وكىلەتتىك بەرۋ؛

- اۋداندىق ماڭىزى بار قالا اكىمىنە اۋداندىق وكىلدى جانە اتقارۋشى ورگاندارعا اۋداندىق ماڭىزى بار قالانى كەنت، اۋىل ساناتىنا جاتقىزۋ تۋرالى ۇسىنىس ەنگىزۋ بويىنشا وكىلەتتىك بەرۋ.

«اتالعان زاڭ جوباسى قازاقستان رەسپۋبليكاسىنىڭ اكىمشىلىك- اۋماقتىق قۇرىلىمى سالاسىنداعى زاڭنامانى جەتىلدىرۋدى كوزدەيدى جانە ەلىمىزدىڭ اكىمشىلىك- اۋماقتىق بىرلىكتەرىنىڭ، ونىڭ ىشىندە اۋداندىق ماڭىزى بار قالالاردىڭ اعىمداعى مارتەبەسىن تولىق كولەمدە قامتۋعا باعىتتالعان. قولدانىستاعى «قازاقستان رەسپۋبليكاسىنىڭ اكىمشىلىك- اۋماقتىق قۇرىلىسى تۋرالى» زاڭىنا سايكەس اۋداندىق ماڭىزى بار قالالارعا حالىق سانى 10 مىڭ ادامنان كەم ەمەس ەلدى مەكەندەر جاتادى. قازىرگى ۋاقىتتا 48 اۋداندىق ماڭىزى بار قالانىڭ 13 ى حالىقتىڭ سانى بويىنشا قالا مارتەبەسىنە سايكەس كەلمەيدى، ياعني وسى اۋداندىق ماڭىزى بار قالالاردا تۇرعىندار سانىنىڭ ازدىعىنا بايلانىستى ولاردىڭ مارتەبەسىن وزگەرتۋ قاجەتتىگى تۋىندادى. الايدا قولدانىستاعى زاڭنامادا اۋداندىق ماڭىزى بار قالانىڭ مارتەبەسىن اۋىل ساناتىنا وزگەرتۋ جونىندە نورما قاراستىرىلماعان»، - دەدى سەناتور نۇرلان بەكنازاروۆ.


سوڭعى جاڭالىقتار