ەلورداعا قازاقستاندىقتار پ ت ر-انىقتاماسىز قانداي ەلدەردەن ءجيى ۇشىپ كەلەدى

نۇر-سۇلتان. قازاقپارات - ەلورداعا شەت مەملەكەتتەردەن شارم- ەل- شەيح پەن مينيسك قالاسىنان قازاقستاندىقتار ءجيى پ ت ر انىقتاماسىز ۇشىپ كەلەدى.

بۇل تۋرالى ەلورداداعى №3-قالالىق كوپبەيىندى اۋرۋحانانىڭ ديرەكتورى جۇلدىز دانبايەۆا ايتتى، دەپ حابارلايدى قازاقپارات ءتىلشىسى.

«ءبىزدىڭ اۋرۋحانادا ينفەكسيالىق ستاتسيونار جوق. كوروناۆيرۋس ىندەتى جاعدايلارى جيىلەپ كەتكەن جاعدايدا ەكىنشى جانە ءۇشىنشى كەزەڭدە تۇرمىز. ەلوردادا ارنايى كارانتيندىك ستاتسيونار جاساقتالىپ، 6-قازاننان بەرى حالىقارالىق اۋە رەيستەرىمەن پ ت ر انىقتاماسىز ۇشىپ كەلەتىن جولاۋشىلار سوندا جاتقىزىلادى. قازىرگى ۋاقىتتا اتالعان ستاتسيوناردا انىقتاماسىز كەلگەن 40 ادام جاتىر. ولار تۇندە ءۇش رەيسپەن ۇشىپ كەلگەن بولاتىن»، - دەدى ول قازاقپارات تىلشىسىنە تەلەفون ارقىلى بەرگەن سۇحباتىندا.

سونىمەن قاتار اۋرۋحانا ديرەكتورى قاي ەلدەردەن ۇشىپ كەلەتىن جولاۋشىلاردان ءجيى كوروناۆيرۋس انىقتالاتىندىعىن دا ايتىپ بەردى.

«شارم- ەل- شەيح پەن مينيسك قالالارىنان انىقتاماسىز ۇشىپ كەلەتىن جولاۋشىلار وتە كوپ. 6-قازاننان باستاپ وسى ۋاقىتقا دەيىن اۋە كولىگىمەن ۇشىپ كەلگەن 18 جولاۋشىدان كوروناۆيرۋس ينفەكسيانىڭ وڭ ناتيجەسى انىقتالعان بولاتىن. العاشقى جايدايلار ماسكەۋ، مينيسك، ىستانبۇل، شارم- ەل- شەيح قالالارىنان نۇر-سۇلتانعا كەلگەن جولاۋشىلاردان انىقتالدى. دۋبايدان ۇشىپ كەلگەن ءبىر ادامدانان دا كوروناۆيرۋس شىقتى»، - دەدى جۇلدىز دانبايەۆا.

قازىرگى ۋاقىتتا كوروناۆيرۋس ينفەكسياسىنا بايلانىستى كارانتين ستاتسونارى رەتىندە ەلورداداعى بۇرىنعى «رامادا پلازا» قوناق ءۇيى جۇمىس ىستەپ تۇر. ول جەردە 500 توسەك-ورىنعا ارنالعان كارانتيندىك ستاتسيونار قۇرىلعان. قالانىڭ باس سانيتار دارىگەرىنىڭ قاۋلىسىنا سايكەس، وعان شەتەلدەن اۋە رەيسىمەن ۇشىپ كەلگەنىمەن قولىندا پ ت ر تەستىنىڭ ناتيجەلەرى جوق جولاۋشىلار جەتكىزىلەدى.

«ەگەر ادامنان ينفەكسيا انىقتالماسا، وندا ءبىز ونى ۇيىنە جىبەرەمىز. ولاردى تەك 2 تاۋلىك قانا ۇستايمىز. دەگەنمەن، ادەتتە ۇشاقپەن كەلگەن جولاۋشىلار بىزدە تاۋلىككە جەتپەيتىن ۋاقىت ىشىندە عانا بولادى. سەبەبى ساراپتامالاردى جىلدام جاسايمىز. ناۋقاستا كوروناۆيرۋستىڭ سيمپتومسىز فورماسى بولسا، وندا ءۇي كارانتينىنە جىبەرەمىز. ونىمەن بايلانىستا بولعان ادامدار دا ۆيرۋس بەلگىلەرى بايقالماسا ۇيدەن ەمدەلۋگە جىبەرىلەدى. ال كوروناۆيرۋس بەلگىلەرى بار ادامداردى 40-ستانسادا ورنالاسقان قالالىق مودۋلدىك جۇقپالى اۋرۋلار اۋرۋحاناسىنا اۋىستىرامىز»، - دەپ تۇسىندىرەدى ول. ايتا كەتەرلىگى، قازاقستاندا وتكەن تاۋلىكتە 769 ادام كوروناۆيرۋس ىندەتى پ ت ر ارقىلى راستالىپ اۋىرعانى بەلگىلى بولدى.

ىندەتكە شالدىعۋ كورسەتكىشى شىعىس قازاقستان، سولتۇستىك قازاقستان، پاۆلودار، قوستاناي، اقمولا وبلىستارىندا جوعارى. جالپى ەل بويىنشا اۋىرعاندار سانى 133887 ادام، ونىڭ 118004 ى ەمدەلىپ شىقتى. قازىرگى ۋاقىتتا كوروناۆيرۋستىق ينفەكسيادان 13827 ادام ەم قابىلداۋدى جالعاستىرۋدا. ولاردىڭ اراسىندا 904 بالا بار. ستاتسيونارلاردا 3541 ناۋقاس جاتىر. 10286 ادام امبۋلاتوريالىق جاعدايدا ەمدەلۋدە. جالپى ناۋقاستاردىڭ اراسىندا 218 ادامنىڭ احۋالى ناشار. سونىڭ ىشىندە 35 ناۋقاستىڭ احۋالى اسا قاتتى اۋىر دەپ باعالانۋدا. 31 ناۋقاس وكپەنى جاساندى جەلدەتۋ اپپاراتىندا جاتىر.