12:26, 03 - جەلتوقسان 2020 | GMT +6
ەلوردادا الداعى جەكسەنبى قوعامدىق كولىك جۇرمەيدى
نۇر-سۇلتان. قازاقپارات - جەكسەنبى، 6-جەلتوقساندا ەلوردادا قوعامدىق كولىكتەر جۇرمەيدى، دەپ حابارلايدى قازاقپارات ءتىلشىسى.
City Transportation Systems كومپانياسىنىڭ اقپاراتىنا وراي، 6-جەلتوقساندا نۇر-سۇلتان قالاسىنىڭ باس مەملەكەتتىك سانيتار دارىگەرىنىڭ قاۋلىسىنا سايكەس، قوعامدىق كولىك جۇمىسى ءبىر كۇنگە توقتاتىلادى. اۆتوبۋستار مەن اۆتوپاركتەردە دەزينفەكسيالىق جۇمىستار جۇرگىزىلەدى.
«دۇيسەنبى، 7-جەلتوقساننان باستاپ اۆتوبۋستار قالىپتى كەستەسىنە سايكەس قايتادان قاتىنايدى. بارلىق وزگەرىستەر تۋرالى رەسمي پاراقشامىزدان بىلە الاسىز. بارشاڭىزدى سانيتارلىق نورمالاردى ساقتاۋعا شاقىرامىز. اۆتوبۋستارعا بەتپەردەسىز كىرۋگە بولمايدى. جول اقىسى تەك قولما-قول اقشاسىز تولەنەدى»، - دەپ اتاپ وتەدى كومپانيادان.
اۆتور: مارلان جيەمباي