فرانسيانىڭ ەكس-پرەزيدەنتى كوروناۆيرۋستان قايتىس بولدى

نۇر-سۇلتان. قازاقپارات - فرانسيانىڭ بۇرىنعى پرەزيدەنتى ۆالەري جيسكار د'ەستەن 94 جاسىندا قايتىس بولدى، - دەپ حابارلايدى ر ي ا نوۆوستي.

د'ەستەن اتىنداعى قور وكىلدەرىنىڭ ايتۋىنشا، ەكس-پرەزيدەنت كوروناۆيرۋستان قايتىس بولعان. بۇل تۋرالى Europe 1 راديوسى حابارلادى.

قاراشانىڭ ورتاسىندا ساياساتكەردىڭ اۋرۋحاناعا جاتقىزىلعانى ايتىلعان. 20- قاراشادا ول ۇيىنە شىققان.

د'ەستەن قىركۇيەكتە دە وكپەسىنە سۋىق ءتيىپ اۋرۋحانادا جاتقان. ول كەزدە دارىگەرلەر كوروناۆيرۋستى انىقتاماعان جانە ناۋقاس تەز ارادا ۇيگە شىعارىلعان.

ۆالەري جيسكار د'ەستەن 1926-جىلى فرانسيانىڭ گەرمانيا تەرريتورياسىنان باسىپ العان كوبلەنتستە دۇنيەگە كەلگەن.

1974-جىلى پومپيدۋ قايتىس بولعاننان كەيىن جيسكار د'ەستەن پرەزيدەنت سايلاۋىندا جەڭىسكە جەتتى. 1981-جىلى ول قايتا پرەزيدەنت سايلاۋىندا جەڭىلىپ قالدى. سودان كەيىن فرانسيا اكادەمياسىنىڭ مۇشەسى بولدى، فرانسيا كونستيتۋتسيالىق كەڭەسىنىڭ وتىرىستارىنا قاتىستى.