ەرالى توعجانوۆ ءانشى قاراقات باشانوۆا مەن بوكسشى دانيار ەلەۋسىنوۆتى قابىلدادى

نۇر- سۇلتان. قازاقپارات - بۇگىن قازاقستان رەسپۋبليكاسى پرەمەر- ءمينيسترىنىڭ ورىنباسارى ەرالى توعجانوۆ پەن مادەنيەت جانە سپورت ءمينيسترى اقتوتى رايىمقۇلوۆا XVIII «بالالار ەۆروۆيزياسى»ء ان بايقاۋىندا ەكىنشى ورىن العان قاراقات باشانوۆانى، ءانشى ورىنداعان Forever ءانىنىڭ اۆتورى، كومپوزيتور حاميت شانعاليەۆتى جانە ورتا سالماقتا IBF Intercontinental التىن بەلدەۋىنىڭ يەگەرى دانيار ەلەۋسىنوۆ پەن بوكسشىنىڭ اكەسى مارات ەلەۋسىنوۆتى قابىلدادى.

بۇل تۋرالى قازاقپارات ق ر مادەنيەت جانە سپورت مينيسترلىگىنىڭ رەسمي سايتىنا سىلتەمە جاساپ حابارلايدى. ەرالى توعجانوۆ پەن مينيستر قاراقات باشانوۆا مەن دانيار ەلەۋسىنوۆكە حالقىمىزدى جارقىن جەڭىسپەن قۋانتىپ، ەلىمىزدىڭ اتىن شىعارىپ جۇرگەنى ءۇشىن العىس ايتتى.

ايتا كەتەيىك، قاراقات باشانوۆا XVIII «بالالار ەۆروۆيزياسى» ءان بايقاۋىندا 152 ۇپاي جيناپ، ەكىنشى ورىن الدى. ال دانيار 28- قاراشادا ا ق ش- تىڭ فلوريدا شتاتىندا بوكس كەشىندە ناميبيالىق دجۋليۋس ينديگونى 2-راۋندتا تەحنيكالىق نوكاۋتپەن جەڭدى. كاسىپقوي بوكستاعى 10-جەكپە- جەگىن وتكىزگەن وتانداسىمىز العاشقى التىن بەلدەۋىن يەلەندى.