درون باعاتىن سيىرلاردا سترەسس بولمايدى - باقتاشى

None
None
نۇر- سۇلتان. قازاقپارات – يزرايلدە سيىردى درونمەن باعا باستادى. جاڭا جوبانى گولان شىڭدارىنىڭ ەتەگىن جايلاعان مالشىلار قولعا الدى. ۇشۋ قۇرالدارى الىستان باسقارىلادى جانە ولار ارقىلى ءبارىن كورىپ وتىرۋعا بولادى.

بۇل قۇرىلعىلاردى يزرايلدىڭ سولتۇستىگىندەگى روش- پينا قالاسىندا ورنالاسقان كومپانيا جاسايدى. ولارعا بىرىككەن اراب امىرلىكتەرىنەن دە ۇسىنىس تۇسكەن. قازىر كومپانيا درونداردىڭ سيىرلار عانا ەمەس، تۇيەلەردى دە باعۋعا قانشالىقتى ءتيىمدى بولاتىنىن سىناپ جاتىر. ال جەرگىلىكتى كاسىپكەرلەر وزىق تەحنولوگيانىڭ مال باعۋ ءىسىن جەڭىلدەتىپ جاتقانىن ايتادى. دروندار جۇمىس كۇشىن 50 پروتسەنتكە دەيىن قىسقارتۋعا مۇمكىندىك بەرگەن.

نوام ازران، درون جاسايتىن كومپانيا باسشىسى:

- ءبىز مۇنى «ءۇش ساۋساقپەن مال باعۋ» دەپ اتايمىز. بۇرىنعىداي باقتاشىلار مەن ءۇرىپ، مال قايىراتىن يتتەردىڭ ەندى قاجەتى جوق. ادامداردىڭ ايقايى مەن يتتەردىڭ ارسىلداعانى سيىرلاردى سترەسس جاعدايىندا ۇستايتىن. قازىر اشا تۇياقتىلار ونداي ايعاي- سۇرەڭنەن قۇتىلدى. بۇگىندە جاستاردىڭ دالانى تاستاپ، قالاعا كەتىپ جاتقانى جاسىرىن ەمەس. وسى تەحنولوگيا ارقىلى ولار مال باعۋ ىسىنە قايتا ورالۋى ابدەن مۇمكىن دەپ ويلايمىن.

www.24.kz

سوڭعى جاڭالىقتار