+7 (701) 759 90 19
-10 °С : نۇر-سۇلتان
-5 °С : الماتى
USD 421.98 EUR 511.61
RUB 5.61 CNY 65.27
جاڭالىقتار

تۇركىستاندا ءبىر شاقىرىمعا سوزىلاتىن «كەرۋەن-ساراي» سالىنادى

2 جەلتوقسان 09:44
:ءبولىسۋ
تۇركىستاندا ءبىر شاقىرىمعا سوزىلاتىن «كەرۋەن-ساراي» سالىنادى

نۇر-سۇلتان. قازاقپارات - تۇركىستاندا ۇزىندىعى ءبىر شاقىرىمعا جەتەتىن «كەرۋەن-ساراي» سالىنادى.

بۇل تۋرالى ق ر تۇڭعىش پرەزيدەنتى — ەلباسى نۇرسۇلتان نازاربايەۆ «Qazaqstan» ۇلتتىق ارناسىنداعى «تۇركىستان: كونە مەن كەلەشەك كوپىرى» دەرەكتى فيلمىندە اتتى، دەپ حابارلايدى قازاقپارات.

«قازىردىڭ وزىندە تۇركىستاندا بەس جۇلدىزدى ەكى قوناق ءۇي (Hilton, Rixos) سالىندى. ۇزىندىعى ءبىر شاقىرىم بولاتىن «كەرۋەن-ساراي» اشىلادى، ونىڭ ىشىندە قوناق ۇيلەر، ساۋدا- ساتتىق ورىندارى، باسقا دا مادەني نىساندار بولادى. سول كەزدە تۇركىستان باياعىداي تۋريزم مەن حالىق كەلەتىن ورتالىق بولادى»، - دەدى ن. نازاربايەۆ.

ەلباسى اتاپ وتكەن «كەرۋەن ساراي» كوپفۋنكتسيالى تۋريستىك كەشەنى تۇركى الەمىن عانا ەمەس، الەم نازارىن اۋداراتىن جوباعا اينالماق. جوبا الداعى كوكتەمدە پايدالانۋعا بەرىلۋى ءتيىس. قازاقستان، ەۋروپا جانە ورتالىق ازيا مادەنيەتىن ۇشتاستىراتىن جوبا كونە شاھار ۇلگىسى نەگىزىندە سالىنعان، جانە وندا زاماناۋي قوناق ۇيلەر، شىعىس بازارى، مەيرامحانالار جانە جاساندى كول پايدا بولادى.

ايتا كەتەيىك، «تۇركىستان: كونە مەن كەلەشەك كوپىرى» دەرەكتى فيلمى ن. نازاربايەۆتىڭ «قازاقستان» رەسپۋبليكالىق تەلەراديوكورپوراتسياسىنىڭ باسقارما ءتورايىمى، جۋرناليست ءلاززات تانىسبايعا بەرگەن سۇحباتى نەگىزىندە ازىرلەندى.

دەرەكتى تۋىندى «Qazaqstan» تەلەرناسىنان كەشە 20:00 دە ەفيرگە شىقتى. بۇعان دەيىن ن. نازاربايەۆ «ەل استاناسىنىڭ تۇركىستانعا كوشۋى مۇمكىن بە؟» دەگەن سۇراققا جاۋاپ بەرگەن ەدى.

سونىمەن بىرگە، تۇركىستاننان تاشكەنتە تەمىر جول سالىنىپ، سامارقان، بۇقارا، تاشكەنت، شىمكەنت، تۇركىستان قالالارىنان ۇلكەن شەڭبەر جاسالماق.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات