+7 (701) 759 90 19
-11 °С : نۇر-سۇلتان
-6 °С : الماتى
USD 421.98 EUR 511.61
RUB 5.61 CNY 65.27
جاڭالىقتار

نۇرسۇلتان نازاربايەۆ: جاڭا زامان كەلدى - ءبارىمىز وزگەرۋىمىز كەرەك

2 جەلتوقسان 09:36
:ءبولىسۋ
نۇرسۇلتان نازاربايەۆ: جاڭا زامان كەلدى - ءبارىمىز وزگەرۋىمىز كەرەك

نۇر-سۇلتان. قازاقپارات - ەلباسى نۇرسۇلتان نازاربايەۆ «Qazaqstan» ۇلتتىق ارناسىنداعى «تۇركىستان: كونە مەن كەلەشەك كوپىرى» دەرەكتى فيلمىندە «رۋحاني جاڭعىرۋ» مەن «ۇلى دالانىڭ جەتى قىرى» باعدارلامالارىنىڭ ماڭىزدىلىعىن ەرەكشە اتاپ ءوتتى، دەپ حابارلايدى قازاقپارات ءتىلشىسى.

«رۋحاني جاڭعىرۋ» دەگەن... ءبىز باسقا ومىرگە كەلدىك. بۇرىنعى ومىردە كوممۋنيستىك يدەيامەن جۇردىك. ءبىزدىڭ ۇلكەندەرىمىز، مەنىڭ بۋىنىم سول يدەيامەن ءجۇردى. ەندى وزگەرۋىمىز كەرەك. جاڭا زامان كەلدى. ەكونوميكا وزگەردى. تۇسىنىك وزگەردى. جاستار قازىر باسقاشا. بىزدەي ەمەس. ون بەستەگى بالالاردىڭ ءبىلىمى بىزدەن كوپ. سەبەبى ولار ينتەرنەتتە وتىرىپ، دۇنيەنىڭ بارلىعىن كورەدى، بىلەدى. سوندىقتان «رۋحاني جاڭعىرۋ» دەگەن تەك وسى زامانعا بەيىمدەلۋ عانا ەمەس، وسى ارقىلى ءوسىپ، وركەندەۋ ماسەلەسى. سوندىقتان ول وتە كەرەكتى، ۇلكەن ماعىناسى بار، ءالى تالاي جۇمىس جۇرگىزەتىن ماسەلە»، - دەدى ەلباسى «Qazaqstan» ۇلتتىق ارناسىنداعى «تۇركىستان: كونە مەن كەلەشەك كوپىرى» دەرەكتى فيلمىندە.

نۇرسۇلتان نازاربايەۆتىڭ ايتۋىنشا، وسى باعدارلامامەن تۇركىستاننىڭ سالىنۋى ۇندەسەدى.

«ۇلى دالانىڭ جەتى قىرىنا بايلانىستى قانداي تاريحتى باسىپ وتكەنىمىزدى ايتىپ وتىرمىن عوي. سول تاريحتى ەلدىڭ ءبارى بىلە بەرمەيدى. سول تاريحتى ءسىڭىرۋ ءۇشىن ەلىمىزدىڭ وڭتۇستىگىندە، وسى جەردەن مىڭ شاقىرىم جەردە «وسىندا توڭعان قازاقتار سول جەرگە بارىپ جىلىنىپ قايتىپ كەلسىن» دەپ سالىنىپ جاتىر. تۇركىستاننىڭ سالىنۋىن - سول باعدارلامانىڭ ورىندالۋىنىڭ ءبىر سالاسى دەپ ەسەپتەۋ كەرەك»، - دەدى ەلباسى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات