+7 (701) 759 90 19
-12 °С : نۇر-سۇلتان
-10 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

نۇرسۇلتان نازاربايەۆ: تۇركىستاندى تاريحىمىزدى پاش ەتەتىن ورتالىق رەتىندە قالدىرۋىمىز كەرەك

2 جەلتوقسان 08:55
:ءبولىسۋ
نۇرسۇلتان نازاربايەۆ: تۇركىستاندى تاريحىمىزدى پاش ەتەتىن ورتالىق رەتىندە قالدىرۋىمىز كەرەك

نۇر-سۇلتان. قازاقپارات - تۇركىستاندى جاڭعىرتقان كەزدە استانانىڭ قۇرىلىسى كوز الدىمدا تۇردى.

بۇگىن ق ر تۇڭعىش پرەزيدەنتى — ەلباسى نۇرسۇلتان نازاربايەۆ «Qazaqstan» ۇلتتىق ارناسىنداعى «تۇركىستان: كونە مەن كەلەشەك كوپىرى» دەرەكتى فيلمىندە وسىلاي ايتتى، دەپ حابارلايدى قازاقپارات.

«مەن ءوڭىر تاريحىندا ەڭ ءبىرىنشى قالا سالۋعا كىرىسكەنىم - تەمىرتاۋ بولاتىن. تەمىرتاۋدا كومبيناتتىڭ، پارتيانىڭ باسشىسى بولىپ جۇرگەن كەزدە ماسكەۋدىڭ تاپسىرماسىمەن ءبىز قالانى قايتادان قۇرىپ، جىلىنا 80 مىڭ شارشى مەتر ءۇي، بالاباقشا، مەكتەپ، اۋرۋحانا سالىپ، قالانى كوتەرگەنبىز. ەكىنشى ۇلكەن قۇرىلىس - ەلوردامىز استانانى سالۋ بولدى. بۇل ەندى باتىل شەشىم بولدى. ءبارى بىردەي وعان كەلىسكەن جوق. قارسى بولعاندار دا كوپ بولدى. ءبىراق قازىر ول شەشىمدى ءبارى دۇرىس دەپ سانايدى. بۇل ءىستى اتقارۋ بارىسىندا ءبىز كوپ قيىندىق كوردىك، ونى جۇرت بىلەدى»، - دەدى ەلباسى «Qazaqstan» ۇلتتىق ارناسىنداعى «تۇركىستان: كونە مەن كەلەشەك كوپىرى» دەرەكتى فيلمىندە.

نۇرسۇلتان نازاربايەۆ بۇل رەتتە تۇركىستاننىڭ تاريحي كەلبەتىن ساقتاۋعا باسا ءمان بەرىلگەنىن اتاپ ءوتتى.

«ارينە، تۇركىستاندى جاڭعىرتقان كەزدە استانانىڭ قۇرىلىسى كوز الدىمدا تۇردى. ءوزىنىڭ قازىرگى كەلبەتى دە ۇقسايدى. استانادا اقوردادان بىلاي قاراي - ۇلكەن كوشە. تۇركىستاندا دا وبلىس اكىمدىگىنىڭ عيماراتىنان بىلاي قاراي جۇرگەن كەزدە ۇلكەن كوشە تۇرادى. ەكەۋى ەكى جاقتا ارينە. ونى ەلوردامەن سالىستىرۋعا بولمايدى. ءبىز ونىڭ كەلبەتىن ساقتاپ، ەلدىڭ، جۇرتتىڭ، تۋريستەردىڭ باراتىن، تاريحىمىزدى پاش ەتەتىن ورتالىق رەتىندە قالدىرۋىمىز كەرەك»، - دەدى نۇرسۇلتان نازاربايەۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات