مەملەكەت باسشىسى وزبەكستان پرەزيدەنتىمەن تەلەفون ارقىلى سويلەستى

نۇر-سۇلتان. قازاقپارات - مەملەكەت باسشىسى وزبەكستان پرەزيدەنتىمەن تەلەفون ارقىلى سۇحباتتاستى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

شاۆكات ميرزيەيەۆ قاسىم-جومارت توقايەۆتى قازاقستاننىڭ تۇڭعىش پرەزيدەنتى كۇنى مەرەكەسىمەن قۇتتىقتاپ، ەلىمىزدىڭ دامۋى باياندى جانە حالىقارالىق قاۋىمداستىقتاعى مەرەيىنىڭ لايىم ۇستەم بولۋىنا تىلەكتەستىگىن ءبىلدىردى.

مەملەكەت باسشىلارى قازاقستان مەن وزبەكستاننىڭ اراسىنداعى دوستىق پەن باۋىرلاستىققا، تاتۋ كورشىلىك پەن ستراتەگيالىق سەرىكتەستىككە نەگىزدەلگەن ەكىجاقتى ساياسي، ەكونوميكالىق جانە مادەني-گۋمانيتارلىق قاتىناستاردى ءارى قاراي نىعايتۋعا مۇددەلىلىكتەرىن راستادى.

سونىمەن قاتار، قاسىم-جومارت توقايەۆ پەن شاۆكات ميرزيەيەۆ كۇن تارتىبىندەگى وڭىرلىك دەڭگەيدەگى ءبىرقاتار وزەكتى ماسەلەلەر بويىنشا پىكىر الماسىپ، بيىلعى جىلدىڭ اياعىنا دەيىنگى ءىس-شارالاردى تالقىلادى.