+7 (701) 759 90 19
-11 °С : نۇر-سۇلتان
-4 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

گرەكيانىڭ ەڭ جاس دەپۋتاتى شىمكەنت قالاسىنىڭ تۋماسى

2 جەلتوقسان 07:56
:ءبولىسۋ
گرەكيانىڭ ەڭ جاس دەپۋتاتى شىمكەنت قالاسىنىڭ تۋماسى

افينا. قازاقپارات - قازاقستاننىڭ گرەكياداعى ەلشىسى الەكسەي ۆولكوۆ شىمكەنت قالاسىندا دۇنيەگە كەلگەن جانە گرەك پارلامەنتى مۇشەلەرىنىڭ اراسىندا ەڭ جاس دەپۋتات ماريا اپاتزيديمەن كەزدەستى، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.

اڭگىمە بارىسىندا تاراپتار ەكىجاقتى قارىم-قاتىناستاردىڭ قازىرگى احۋالى مەن دامۋ كەلەشەگىن تالقىلادى.

ەلشى گرەك دەپۋتاتىن ەلىمىزدە جۇرگىزىلىپ جاتقان قوعامدىق-ساياسي رەفورمالارمەن، تۇڭعىش پرەزيدەنت - ەلباسى نۇرسۇلتان نازاربايەۆتىڭ باستامالارىمەن، سونداي-اق 2021-جىلعى 10- قاڭتاردا وتەتىن ءماجىلىستىڭ كەزەكتى سايلاۋ الدىنداعى ناۋقان بارىسىمەن جانە ونىڭ ەرەكشەلىگىمەن تانىستىردى.

ءوز كەزەگىندە م. اپاتزيدي قازاقستان مەن گرەكيا اراسىنداعى ىنتىماقتاستىقتى، ونىڭ ىشىندە پارلامەنتارالىق ديالوگ ارقىلى جانداندىرۋ قاجەتتىلىگىلىمەن كەلىستى. دەپۋتات قازاقستاننىڭ تۋماسى بولا وتىرىپ، وتكەن عاسىردىڭ سوڭىندا تاريحي وتانىنا ورالعان گرەكتەردىڭ اراسىندا قازاقستانعا جانە ەلدە بولىپ جاتقان الەۋمەتتىك-ەكونوميكالىق، ساياسي، مادەني ۇدەرىستەرگە قىزىعۋشىلىقتىڭ ارتىپ جاتقانىن اتاي وتىرىپ، ەكى ەل اراسىندا تۋريستتەر الماسۋدى كەڭەيتۋدىڭ جوعارى الەۋەتىنە نازار اۋداردى.

سونىمەن قاتار، دەپۋتات ەكى ەل اراسىنداعى ىنتىماقتاستىقتى ودان ءارى كەڭەيتۋ جونىندەگى باستامالاردى قولداۋعا ءوزىنىڭ ىنتالى ەكەندىگىن ءبىلدىردى.

وسىعان راستاۋ رەتىندە قازاقستان رەسپۋبليكاسىنىڭ مادەنيەت جانە سپورت مينيسترلىگى مەن گرەك رەسپۋبليكاسىنىڭ تۋريزم مينيسترلىگى اراسىنداعى تۋريزم سالاسىنداعى ىنتىماقتاستىق تۋرالى مەموراندۋمدى گرەكيا پارلامەنتىنىڭ پلەنارلىق وتىرىسىندا ماقۇلداۋ بارىسىندا ءوزى مۇشەسى بولىپ تابىلاتىن «MeRA-25» پارتياسىنىڭ تولىق قولداۋ بىلدىرگەنىن كەلتىردى.

كەزدەسۋ سوڭىندا تاراپتار بايلانىستاردى جالعاستىرۋعا ۋاعدالاسىپ، كەڭ اۋقىمدى ماسەلەلەر بويىنشا قازاقستان مەن گرەكيا اراسىنداعى قارىم-قاتىناستاردى ودان ءارى نىعايتۋعا باعىتتالعان بىرلەسكەن جۇمىستاردىڭ كەلەشەگىن بەلگىلەدى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات