+7 (701) 759 90 19
-11 °С : نۇر-سۇلتان
-4 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

استانالىق فيلارمونيا وركەسترى اۋەجايدا ونەر كورسەتتى

1 جەلتوقسان 16:13
:ءبولىسۋ
استانالىق فيلارمونيا وركەسترى اۋەجايدا ونەر كورسەتتى

نۇر-سۇلتان. قازاقپارات - ەلوردا مەملەكەتتىك اكادەميالىق فيلارمونياسىنىڭ سيمفونيالىق وركەسترى تۇڭعىش پرەزيدەنت كۇنىنە جانە اۋەجايدىڭ 89 جىلدىعىنا وراي نۇرسۇلتان نازاربايەۆ حالىقارالىق اۋەجايىندا ونەر كورسەتتى.

1931-جىلدىڭ 1- جەلتوقسانىندا «اقمولا- سەمەي» رەيسى ورىندالعان ەدى، دەپ حابارلايدى قازاقپارات ءتىلشىسى.

اۋەجايدىڭ باسپا ءسوز قىزمەتىنىڭ مالىمەتىنشە، ۇجىم كلاسسيكالىق حيتتەردەن باستاپ، قازاق فولكلورىنا دەيىنگى مەرەكەلىك رەپەرتۋار دايىنداعان.

«تۇڭعىش پرەزيدەنت كۇنى مەن استانا اۋەجايىنىڭ 89 جىلدىعىنا وراي جولاۋشىلارىمىزعا مەرەكەلىك، مۋزىكالىق كوڭىل-كۇي سىيلاۋدى ءجون كوردىك. ءبىزدىڭ اۋەجايدىڭ ەلباسى اتىمەن اتالۋى دا ايرىقشا قۋانىش سىيلايدى. سيمفونيالىق وركەستر ءبىزدىڭ يدەيامىزدى قۋانا قولدادى جانە بارلىق ەپيدەميولوگيالىق-سانيتارلىق نورمالاردى ساقتاي وتىرىپ ونەر كورسەتتى»، - دەدى نۇرسۇلتان نازاربايەۆ حالىقارالىق اۋەجايىنىڭ باسقارما ءتوراعاسى عابيت ءتاجىمۇراتوۆ.

ايتا كەتەيىك، بۇگىن نۇرسۇلتان نازاربايەۆ اۋەجايىنان تۇركىستانعا العاشقى رەيس ۇشادى.

«بۇگىن سيمفونيالىق وركەستر ۇجىمى ءتۇرلى ستيلدەر مەن باعىتتاردا الۋان ءتۇرلى باعدارلاما ۇسىنادى. ءبىز كورەرمەندەرمەن، تىڭداۋشىلارمەن كەزدەسكەنىمىزگە وتە قۋانىشتىمىز. ارينە، ءبىز ءۇشىن بۇل جاڭا ورىن. ادەتتە ءبىزدىڭ ۇجىم زالداردا ونەر كورسەتەدى، ءبىراق ءبىز ءوز تىڭداۋشىلارىمىزبەن نۇرسۇلتان نازاربايەۆ اۋەجايىندا، اسىرەسە تۇڭعىش پرەزيدەنت كۇنى جۇزدەسكەنىمىزگە قۋانىشتىمىز»، - دەدى نۇر-سۇلتان قالاسى مەملەكەتتىك اكادەميالىق فيلارمونياسى سيمفونيالىق وركەسترىنىڭ كوركەمدىك جەتەكشىسى بەرىك باتىرحان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات