15:54, 01 - جەلتوقسان 2020 | GMT +6
قازاقستاندىق تەننيسشىلەر الەمدىك رەيتينگىدە ورنىن ساقتاپ قالدى
نۇر-سۇلتان. قازاقپارات - ايەلدەر تەننيسى قاۋىمداستىعى (WTA) مەن كاسىبي تەننيسشىلەر قاۋىمداستىعى (ا ت ر) كەزەكتى رەيتينگ ناتيجەلەرىن جاريالادى، دەپ حابارلايدى قازاقپارات.
Olympic.kz اقپاراتىنا سايكەس، قازاقستاندىق تەننيسشىلەر بۇعان دەيىنگى ورنىن ساقتاپ قالدى.
ايەلدەر اراسىندا ەلەنا رىباكينانىڭ ناتيجەسى جوعارى. ول توپ-20 عا ەنىپ، 19- ورىندا تۇر. يۋليا پۋتينتسيەۆا 28، زارينا دياس 79-ساتىدا. رەيتينگ كوشىن اۆستراليالىق ەشلي بارتي باستاپ تۇر.
ەكىنشى ورىندا - رۋمىنيالىق سيمونا حالەپ، ءۇشىنشى پوزيتسيادا - جاپونيالىق ناومي وساكا.
ەرلەر اراسىندا الەكساندر بۋبليك 50- ءشى، ميحايل كۋكۋشكين 89-شى، دميتري پوپكو 172- ورىندا.
ۇزدىك ۇشتىكتى نوۆاك دجوكوۆيچ (سەربيا)، رافاەل نادال (يسپانيا)، دومينيك تيم (اۆستريا) تۇيىندەگەن.