پرەزيدەنتتىڭ تەلەراديوكەشەنى ەلوردا تۋرالى بەينەروليك جاريالادى

نۇر-سۇلتان. قازاقپارات - ق ر پرەزيدەنتىنىڭ تەلەراديوكەشەنى قازاقستاننىڭ تۇڭعىش پرەزيدەنتى كۇنىنە وراي بەينەروليك جاريالادى، دەپ حابارلايدى قازاقپارات.

«1991-جىلى ءدال وسى كۇنى نۇرسۇلتان نازاربايەۆ بۇكىل حالىق سايلاعان تاۋەلسىز مەملەكەتتىڭ باسشىسى بولدى. ق ر پرەزيدەنتىنىڭ تەلەراديوكەشەنى «ەلباسى ارمانى - ەلوردا» اتتى بەينەروليكتى ۇسىنادى»، - دەلىنگەن تەلەراديوكەشەننىڭ الەۋمەتتىك جەلىدەگى پاراقشاسىندا.

فيلمدە ەلوردانىڭ بارلىق قايتالانباس سۇلۋلىعى قۇس ۇشار بيىكتىكتەن عاجايىپ كادرلاردا بەينەلەنگەن.

«ءوز تۋىندىسىنىڭ تابىستى بولارىنا ءبىر ادام عانا سەندى - تۇڭعىش پرەزيدەنت نۇرسۇلتان ءابىش ۇلى نازاربايەۆ. ول كىسىگە جاڭا قالانىڭ پايدا بولۋ يدەياسى عانا ەمەس، قازاقستان تاۋەلسىزدىگىنىڭ جىلناماسىنداعى ۇلتتىق ماقتانىش پەن جارقىن بەتتەرگە اينالعان استانانى سالۋ ۇمتىلىسى دا تيەسىلى»، - دەپ جازىلعان پاراقشادا.