ق ر پرەمەر-ءمينيسترى قازاقستاندىقتاردى تۇڭعىش پرەزيدەنت كۇنىمەن قۇتتىقتادى
قازاقپارات بۇل تۋرالى primeminister.kz سايتىنا سىلتەمە جاساپ حابارلايدى.
«قىمباتتى قازاقستاندىقتار، سىزدەردى تۇڭعىش پرەزيدەنت كۇنىمەن قۇتتىقتايمىن! قازاقستاننىڭ ەكونوميكاسى قۋاتتى تاۋەلسىز ەل بولىپ قالىپتاسۋى ق ر تۇڭعىش پرەزيدەنتى - ەلباسى نۇرسۇلتان ءابىش ۇلى نازاربايەۆتىڭ ەسىمىمەن تىعىز بايلانىستى. قازىرگىدەي جاھاندىق ەكونوميكالىق داعدارىس اياسىندا قازاقستاننىڭ ۇلتتىق ەكونوميكاسى تۇراقتىلىقتىڭ جوعارى دەڭگەيىن كورسەتىپ وتىر. وعان تاۋەلسىزدىك جىلدارى ن. ءا. نازاربايەۆتىڭ باستاماسى بويىنشا الەۋمەتتىك- ەكونوميكالىق جانە قوعامدىق-ساياسي رەفورمالاردىڭ ءتيىمدى جۇزەگە اسىرىلۋى نەگىز بولدى. ەلباسى مۇرىندىق بولعان قازاقستاننىڭ ستراتەگيالىق دامۋ باعىتى ەكونوميكامىزدىڭ بۇدان كەيىنگى تۇراقتى دامۋىن قامتاماسىز ەتىپ، حالقىمىزدىڭ ءومىر ءسۇرۋ ساپاسىن ارتتىراتىنىنا سەنىمدىمىن. بارلىق قازاقستاندىقتارعا مىقتى دەنساۋلىق، تابىس، تاتۋلىق پەن يگىلىك تىلەيمىن!»، - دەدى اسقار مامين.