بايقوڭىر تۇرعىندارى تابيعي گاز تۇتىناتىن بولدى

None
None
بايقوڭىر. قازاقپارات - قىزىلوردا وبلىسىنا جۇمىس ساپارى بارىسىندا قازاقستان رەسپۋبليكاسىنىڭ ەنەرگەتيكا ءمينيسترى نۇرلان نوعايەۆ پەن ءوڭىر باسشىسى گۇلشارا ءابدىقالىقوۆا بايقوڭىر قالاسىنا باردى.

بۇل تۋرالى قازاقپارات ق ر ەنەرگەتيكا مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

باسپا ءسوز قىزمەتى تاراتقان مالىمەتتەرگە قاراعاندا، 2019-جىلعى 3- ساۋىردە ماسكەۋدە قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ رەسەي فەدەراتسياسىنا رەسمي ساپارى كەزىندە قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىندا «بايقوڭىر» كەشەنىن گازبەن جابدىقتاۋ تۋرالى كەلىسىمگە (بۇدان ءارى-كەلىسىم) قول قويىلدى.

قۇجات قازاقستان رەسپۋبليكاسىنىڭ 2020-جىلعى 26- ناۋرىزداعى 305-VI № ز ر ك زاڭىمەن راتيفيكاتسيالاندى.

كەلىسىم تۇتىنۋشىلاردى سۇيىتىلعان گازدان تابيعي گازعا كوشىرۋدى كوزدەيدى جانە ونىڭ مىناداي ارتىقشىلىقتارى بار:

- بايقوڭىر قالاسىنىڭ تۇتىنۋشىلارى، ونىڭ شامامەن %60 قازاقستان ازاماتتارى، قولجەتىمدى جانە ەكولوگيالىق تازا وتىنمەن

- تابيعي گازبەن تۇراقتى قامتاماسىز ەتىلەدى.

بۇل سۇيىتىلعان مۇناي گازىنا قاراعاندا الدەقايدا ارزان. 2020-جىلدان باستاپ قازالى قالاسى مەن شيەلى اۋدانى بەكەجانوۆ كەنتىن گازداندىرۋ جوبالارىن جۇزەگە اسىرۋ باستالعانىن، بۇل ءوز كەزەگىندە ايماق تۇرعىندارىنىڭ الەۋمەتتىك جاعدايلارىن جاقسارتۋعا ىقپال ەتەتىنىن اتاپ وتكەن ءجون.

نۇرلان نوعايەۆ جانە گۇلشارا ءابدىقالىقوۆا بايقوڭىر قالاسىنداعى «بايقوڭىرەنەرگو» وندىرىستىك- ەنەرگەتيكالىق قاۋىمداستىعى كاسىپورنىنىڭ» جۇمىسىمەن تانىستى. ساپار قورىتىندىسى بويىنشا مينيستر جاۋاپتى تۇلعالارعا ءبىرقاتار ناقتى تاپسىرما بەردى.

سوڭعى جاڭالىقتار