+7 (701) 759 90 19
-10 °С : نۇر-سۇلتان
-2 °С : الماتى
USD 420.32 EUR 509.34
RUB 5.7 CNY 64.85
جاڭالىقتار

نۇرسۇلتان نازاربايەۆ: «ابۋ-دابي پلازانىڭ» ەڭ بيىك مۇناراسىن «قازاقستان مۇناراسى» دەپ اتايمىن

1 جەلتوقسان 13:52
:ءبولىسۋ
نۇرسۇلتان نازاربايەۆ: «ابۋ-دابي پلازانىڭ» ەڭ بيىك مۇناراسىن «قازاقستان مۇناراسى» دەپ اتايمىن

نۇر-سۇلتان. قازاقپارات - «ابۋ- دابي پلازانىڭ» ەڭ بيىك مۇناراسى «قازاقستان مۇناراسى» دەپ اتالادى.

بۇل تۋرالى «Qazaqstan» تەلەارناسىنا بەرگەن سۇحباتىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.

«كەلەسى جىلى اياقتالاتىن «ابۋ-دابي پلازانىڭ» ەڭ بيىك مۇناراسىن «قازاقستان مۇناراسى» دەپ اتايمىن. مۇنداي بيىك عيمارات جوق. كەڭ دالامىزدا الىستان كورىنىپ تۇراتىن بولادى. ءدىني جانە تۋريستىك ماقساتتا الەمدەگى ەڭ ۇلكەن مەشىت سالىنىپ جاتىر. ەل استاناسىن ودان ءارى كوركەيتۋ ءۇشىن تالاي ويلار، جوسپارلار بار. كوپ بولىپ قولعا الساق، اتقارىلمايتىن ءىس جوق. مۇنىڭ بارلىعى قازاقستاننىڭ الەم الدىنداعى الەۋەتىن كورسەتەدى»، - دەدى ن. نازاربايەۆ.

ەلباسى تەلەارناعا بەرگەن سۇحباتىندا تۇركىستان قالاسىن وبلىس ورتالىعى ەتىپ بەكىتۋ شەشىمىنىڭ ماڭىزى مەن قالانىڭ كەلەشەك جوسپارلارى جايىندا جان-جاقتى باياندادى. سونىمەن قاتار تۇركىستان بولاشاقتا ەل استاناسى بولۋى مۇمكىن بە دەگەن كوپشىلىك اراسىندا تاراعان قاۋەسەتكە قاتىستى پىكىرىن ءبىلدىردى.

«تۇركىستاندى كوتەرۋ - پارىزىمىز، ءبىزدىڭ حالقىمىز ءۇشىن قاجەت. بۇل تاريحى تەرەڭدە جاتقان كونە قالامىزدىڭ ءبىرى. تۇركىستانداعى كونە عيماراتتاردىڭ قالپىن ساقتاپ، جەرگىلىكتى حالىق پەن تۋريستەر ءۇشىن تاريحىمىزدى پاش ەتەتىن ورتالىق رەتىندە قالدىرۋىمىز قاجەت»، - دەدى ەلباسى.

«تۇركىستان: كونە مەن كەلەشەك كوپىرى» دەرەكتى فيلمى ن. نازاربايەۆتىڭ «قازاقستان» رەسپۋبليكالىق تەلەراديوكورپوراتسياسىنىڭ باسقارما ءتورايىمى، جۋرناليست ءلاززات تانىسبايعا بەرگەن سۇحباتى نەگىزىندە ازىرلەندى.

دەرەكتى تۋىندى «Qazaqstan» تەلەرناسىنان بۇگىن 20:00 دە ەفيرگە شىعادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات