+7 (701) 759 90 19
-9 °С : نۇر-سۇلتان
-1 °С : الماتى
USD 420.32 EUR 509.34
RUB 5.7 CNY 64.85
جاڭالىقتار

ەلباسىنىڭ قاناتتى سوزدەرى: بىز بارلىق جەتىستىككە ىنتىماقتىڭ ارقاسىندا قول جەتكىزدىك

1 جەلتوقسان 13:33
:ءبولىسۋ
ەلباسىنىڭ قاناتتى سوزدەرى: بىز بارلىق جەتىستىككە ىنتىماقتىڭ ارقاسىندا قول جەتكىزدىك

نۇر-سۇلتان. قازاقپارات - «قازاقپارات» حالىقارالىق اقپارات اگەنتتىگى ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ ءومىر، قوعام، ەلىمىز تۋرالى ايتقان قاناتتى سوزدەرىن ۇسىنادى.

«حالىق پەن پرەزيدەنت ءارقاشان بىرگە بولۋعا ءتيىس. سوندا عانا جەتىستىككە جەتەمىز. مەنىڭ اعا بۋىن وكىلدەرىنە ايتارىم، سىزدەردىڭ دانالىقتارىڭىز جاستاردىڭ دۇرىس جولمەن جۇرۋىنە، وتاندى سۇيۋىنە، مەملەكەتتى نىعايتۋىنا، تاۋەلسىزدىكتى قورعاۋىنا جانە جارقىن بولاشاق ءۇشىن ەڭبەك ەتۋىنە جاردەمىن تيگىزۋى ءتيىس».

(2019-جىلعى 21- ماۋسىم، «كەمەڭگەرلىكتىڭ 30 جىلى» اتتى حالىقارالىق عىلىمي-تاجىريبەلىك كونفەرەنتسيادا سويلەگەن ءسوزى)

«پرەزيدەنت توقايەۆ مەنىمەن كەڭەسەدى. ونداي جاعدايدا كوپجىلدىق مول تاجىريبەسىنە جۇگىنىپ، ەلگە يگىلىك اكەلەردەي اقىل-وي قوسۋعا تىرىسامىن. ءبىراق اقىرعى شەشىمدى ءبارىبىر پرەزيدەنتتىڭ ءوزى قابىلدايدى. سەبەبى ءبىزدىڭ پرەزيدەنتتىڭ ءوزى كۇن تارتىبىندەگى ءبىرىنشى ماسەلە رەتىندە قازاقستاندىق ساياساتتىڭ ساباقتاستىعى ساقتالاتىنىن جاريالادى. مەن دە دامۋ، ەلدىڭ تۇراقتىلىعى باعىتىنداعى ساباقتاستىقتىڭ ۇزىلمەۋىن قولدايمىن».

(2019-جىلعى 11- قازان، «حابار» ارناسىنا بەرگەن سۇحباتىنان).

ەل بىرلىگى تۋرالى

«ءبىز بارلىق جەتىستىككە ىنتىماقتىڭ ارقاسىندا قول جەتكىزدىك. مەملەكەتتىلىك - ەڭ الدىمەن تاۋەلسىزدىك، پاتريوتيزم جانە حالىقتىڭ رۋحى دەگەن ءسوز. مەن وسى قاستەرلى قۇندىلىقتاردى ءاردايىم ۇلىقتاپ، ساقتاۋعا تىرىستىم».

(2019-جىلعى 21- ماۋسىم، «كەمەڭگەرلىكتىڭ 30 جىلى» اتتى حالىقارالىق عىلىمي-تاجىريبەلىك كونفەرەنتسيادا سويلەگەن ءسوزى)

«ازاماتتارىمىز قيىن-قىستاۋ كەزەڭدە جالعىز قالمايتىنىن، بىرلەسىپ كومەكتەسەتىن حالىقتىڭ بارىن ءتۇسىندى. ءار ازاماتتىڭ ارتىندا جاۋاپكەرشىلىگى مول مەملەكەت بار».

(2020-جىلعى 11- قاراشا، قازاقستان حالقى اسسامبلەياسى كەڭەسىنىڭ وتىرىسىندا سويلەگەن ءسوزى).

قوعامداعى سەنىم تۋرالى

«وزەكتى ماسەلەلەر تۋرالى اشىق ايتىپ، ولاردىڭ جەرگىلىكتى جەردە شەشىلۋىنە اتسالىسۋ كەرەك. ءبىزدىڭ مىندەتىمىز - قوعامنىڭ سەنىمىن ارتتىرۋ. بۇل ءۇشىن بۇكىل قوعامنىڭ، ساياسي كۇشتەردىڭ، بيزنەستىڭ، زيالى قاۋىمنىڭ، ساراپشىلار مەن ازاماتتاردىڭ ديالوگى قاجەت. قولدا بار بارلىق الاڭدى پايدالانۋعا ءتيىسپىز. ناقتى ماسەلەلەردى شەشۋگە باعىتتالعان جۇمىس جۇرگىزۋ قاجەت. ءبىز ازاماتتارىمىزدىڭ بولاشاققا نىق سەنىممەن قاراۋىنا جاعداي جاساۋىمىز كەرەك».

(2019-جىلعى 16- تامىز، «Nur Otan» پارتياسىنىڭ ساياسي كەڭەسى بيۋروسىنىڭ وتىرىسىندا سويلەگەن ءسوزى)

كوروناۆيرۋس پاندەمياسى تۋرالى

«ءبىز قازىر «دۇلەي داۋىل» دەپ سيپاتتاۋعا بولاتىن ۇلكەن قاۋىپ-قاتەر الدىندا تۇرمىز. شەشۋ جولدارىن تابۋ تۇرعىسىنان كۇردەلى بوپ وتىرعان قازىرگى احۋال ءبىر جاعىنان 1990-جىلداردىڭ باسىنداعى جاعدايعا ۇقسايدى. ول كەزدە ءبىز شىن مانىندە وتە قيىن جاعدايدا بولعان ەدىك. وسىنداي اۋىر كەزەڭدە مەن بارلىق قازاقستاندىقتاردى ەل پرەزيدەنتى قاسىم-جومارت توقايەۆ پەن ۇكىمەت تاراپىنان ىسكە اسىرىلىپ جاتقان شۇعىل شارالاردى قولداۋعا شاقىرامىن».

(2020-جىلعى 20- ناۋرىز، قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ قازاقستان حالقىنا ۇندەۋى).

يادرولىق قارۋسىز الەم تۋرالى

«1991-جىلعى 29- تامىزدا مەنىڭ جارلىعىممەن الەمدەگى ەڭ ءىرى سەمەي يادرولىق پوليگونى جابىلدى... بۇل حالقىمىز ءۇشىن 40 جىل بويى كۇتكەن تاريحي شەشىم ەدى. 1949-جىلعى 29- تامىزدا قازاقستاندا كەڭەس وداعىنىڭ ءبىرىنشى اتوم بومباسى جارىلىپ، وراسان زور ەكولوگيالىق جانە ادامي تراگەدياعا اكەپ سوقتىردى. 40 جىل ىشىندە پوليگوندا 456 يادرولىق سىناق وتكىزىلدى. كەم دەگەندە 500 مىڭ ادام رادياتسيا زالالىن تارتتى. 2009-جىلعى 2- جەلتوقساندا ب ۇ ۇ باس اسسامبلەياسىنىڭ 64-سەسياسى قازاقستاننىڭ باستاماسى بويىنشا 29- تامىزدى يادرولىق سىناقتارعا قارسى حالىقارالىق ءىس-قيمىل كۇنى دەپ جاريالادى. بۇل كۇن 2010-جىلدان بەرى بۇكىل الەمدە اتالىپ كەلە جاتىر».

(2019-جىلعى 29- تامىز، ەلباسى ن. ءا. نازاربايەۆتىڭ «يادرولىق قارۋسىز الەم جانە جاھاندىق قاۋىپسىزدىك ءۇشىن» سىيلىعىن تاپسىرۋ راسىمىندە سويلەگەن ءسوزى).

اناعا قۇرمەت جايلى

«الەمدەگى ەڭ ماڭىزدى نارسە ايەلدىڭ قولىنان كەلەدى. ول ادامعا ءومىر سىيلايدى. ورتا ەسەپپەن، ءبىر وتباسىندا ءۇش بالا تاربيەلەنىپ وتىر دەسەك، ءبىر جىلدا شامامەن 400 مىڭ ءسابي ومىرگە كەلەدى. بالا - ءبىر وتباسىنىڭ بايلىعى مەن ماقتانىشى عانا ەمەس، تۇتاس ەلدىڭ باعا جەتپەس كاپيتالى. سوندىقتان ءبىزدىڭ انالارىمىز، اسىرەسە كوپ بالالى انالار، ەرەكشە قۇرمەت پەن العىسقا لايىق. ولار حالقىمىزدىڭ يگىلىگىن ەسەلەپ، ناعىز ەرلىك كورسەتىپ وتىر». (2019-جىلعى 7- ناۋرىز، اقوردادا ايەلدەر قاۋىمىمەن كەزدەسۋىندە سويلەگەن ءسوزى).

جاس ۇرپاق تۋرالى

«جاستار - ەلىمىزدىڭ قازىرگى الەمدەگى باسەكەگە قابىلەتتىلىگىنىڭ نەگىزگى فاكتورى. قازاقستاننىڭ بولاشاعى سىزدەرگە - سىزدەردىڭ بىلىمدەرىڭىزگە، ەنەرگيالارىڭىز بەن پاتريوتيزمدەرىڭىزگە بايلانىستى. ءبىز قازىر جاساپ جاتقاننىڭ ءبارى سىزدەردىڭ باقىتتى ومىرلەرىڭىز ءۇشىن، سىزدەر ءوز الەۋەتتەرىڭىز بەن مۇمكىندىكتەرىڭىزدى تولىق ماندە جۇزەگە اسىرا الۋلارىڭىز ءۇشىن جاسالىپ جاتىر. ءبىزدىڭ ءارقايسىمىز ءوز تاعدىرىمىزدى ءوزىمىز جاسايمىز. ومىرلىك تابىسقا جەتۋ ءۇشىن، ءبىرىنشى كەزەكتە، وتباسىلىق يگىلىكتەر مەن كاسىبي جەتىستىكتەردىڭ كەپىلى بولىپ تابىلاتىن زور دەنساۋلىققا يە بولۋ قاجەت».

(2019-جىلعى 23- قاڭتار، جاستار جىلىنىڭ اشىلۋ سالتاناتىندا سويلەگەن ءسوزى).

تاريح تۋرالى

«بۇگىندە ءتول تاريحىمىزعا وڭ كوزقاراس كەرەك. ءبىراق قانداي دا ءبىر تاريحي وقيعانى تاڭدامالى جانە كونيۋنكتۋرالىق تۇرعىدان عانا سيپاتتاۋمەن شەكتەلۋگە بولمايدى. اق پەن قارا - ءبىر-بىرىنەن اجىرامايتىن ۇعىمدار. بۇلار ءوزارا بىرلەسكەندە جەكە ادامداردىڭ دا، تۇتاس حالىقتاردىڭ دا ومىرىنە قايتالانباس رەڭك بەرەدى. ءبىزدىڭ تاريحىمىزدا قاسىرەتتى ساتتەر مەن قايعىلى وقيعالار، سۇراپىل سوعىستار مەن قاقتىعىستار، الەۋمەتتىك تۇرعىدان قاۋىپتى سىناقتار مەن ساياسي قۋعىن-سۇرگىندەر از بولمادى. مۇنى ۇمىتۋعا حاقىمىز جوق. كوپقىرلى ءارى اۋقىمدى تاريحىمىزدى دۇرىس ءتۇسىنىپ، قابىلداي ءبىلۋىمىز كەرەك».

(«ۇلى دالانىڭ جەتى قىرى» ماقالاسىنان).

ۇلت كوشباسشىسى رەتىندە ماقساتى تۋرالى

«مەنىڭ ماقساتىم - ۇلت كوشباسشىسى رەتىندە قازاقستاندى بولاشاق ۇرپاق ماقتاناتىن دەڭگەيگە كوتەرۋ. اعا ۇرپاقتىڭ مىندەتى: ادامدارعا ءبىزدىڭ ورتاق مىندەتىمىز - تاۋەلسىز، دامىعان جانە تۇراقتى مەملەكەتتى ساقتاۋ ەكەنىن ءتۇسىندىرۋ». (2020 -جىلعى 11 اقپان، قاۋىپسىزدىك كەڭەسىنىڭ وتىرىسىندا سويلەگەن ءسوزى).


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات