فۋتبولدان قازاقستان بىرىنشىلىگى مارەسىنە جەتتى

نۇرسۇلتان. قازاقپارات - بۇگىن فۋتبولدان پرەمەر- ليگا كوماندالارى اراسىنداعى ەل بىرىنشىلىگى مارەسىنە جەتتى، دەپ حابارلايدى قازاقپارات ءتىلشىسى.

بۇدان بۇرىن سوڭعى تۋرداعى ءۇش ويىننىڭ ناتيجەسىن حابارلاعان ەدىك. «استانا» « قىزىلجاردى» ، «شاحتەر» «توبىلدى» 1:0، «ورداباسى» «وقجەتپەستى» 3:1 ەسەبىمەن جەڭدى. ءدال قازىر تاعى ەكى ويىن اياقتالدى.

«تاراز» «قايراتتان» 1:0 ەسەبىمەن باسىم ءتۇستى. بۇل كەزدەسۋدە الماتىلىق كلۋب ساپىنان نەگىزىنەن جاستار ويىن كورسەتتى. كەزدەسۋ تاعدىرىن 63-مينۋتتا ايۋب باتسۋيەۆ سوققان جالعىز گول شەشتى. ال «جەتىسۋ» «كاسپيدى» 3:0 ەسەبىمەن تىزە بۇكتىردى. ويىن بارىسىندا ايبار جاقسىلىقوۆ 24، 58، ۆاديم پوبۋدەي 33-مينۋتتاردا گول سوقتى.

تۋرنير كەستەسىندە قورىتىندى ناتيجە بويىنشا «قايرات» چەمپيون اتاندى. ەندى الماتىلىق كلۋب الداعى جىلى ەلىمىزدىڭ اتىنان UEFA چەمپيوندار ليگاسىندا باق سىنايدى. «توبىل» ەكىنشى، «استانا» ءۇشىنشى ورىن الدى. ءتورتىنشى ورىن «شاحتەر» كلۋبىنا بۇيىردى.

سوڭعى ءۇش كوماندا كەلەر جىلى UEFA كونفەرەنتسيا ليگاسىنا قاتىسادى. ەستەرىڭىزگە سالا كەتەلىك، الداعى جىلدان باستاپ ەۋروپادا وسىنداي تاعى ءبىر تۋرنير باستاۋ الادى. وعان UEFA رەيتينگىندە 27-ورىننان تومەن ورنالاسقان ەلدەردىڭ كوماندالارى قاتىسادى.