+7 (701) 759 90 19
-8 °С : نۇر-سۇلتان
-6 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

جەر شارىنىڭ قۇنى قانشا؟

30 قاراشا 20:33
:ءبولىسۋ
جەر شارىنىڭ قۇنى قانشا؟

نۇر-سۇلتان. قازاقپارات -ءبىزدىڭ پلانەتا جايلى قىزىق دەرەك كوپ. العاشقىلارىن مەكتەپتەگى گەوگرافيا پانىنەن وقىپ بىلسەك، كەيىن ينتەرنەتتەن تالاي قىزىقتى وقيتىن بولدىق. سونىڭ اراسىنداعى مىنا ءبىر زەرتتەۋگە نە دەيسىز؟

جۋىردا سانتا- كرۋزداعى (ا ق ش) كاليفورنيا ۋنيۆەرسيتەتىنىڭ عالىمى گرەگ لافلين جەر شارىنىڭ قۇنىن انىقتايتىن جاڭا فورمۋلا جاساپ شىعىپتى. ول جەر شارىن عانا ەمەس، وزگە پلانەتالاردى دا باعالاعان. مىسالى، مارس عالامشارىن 16 مىڭ دوللار دەپ باعالاسا، ال ۆەنەرانى بار بولعانى 1 سەنت تۇرادى دەپ ەسەپتەگەن. ال جەر شارىنىڭ قۇنى شە؟

استرونوميا جانە استروفيزيكا بويىنشا پروفەسسوردىڭ كومەكشىسى گرەگ لافلين فورمۋلاسى بويىنشا جەردىڭ قۇنى 5 كۆادريلليون دوللار بولعان. بۇل - ەڭ قىمبات پلانەتا. سەبەبى ءومىر ءسۇرۋ مۇمكىندىگى بار مەكەن.

عالىم پلانەتالاردىڭ قۇنىن انىقتاۋ ءۇشىن ءومىر ءسۇرۋ مۇمكىندىگى، سالماعى، تەمپەراتۋرا، ۋاقىتى مەن وزگە دە فاكتورلاردى نازارعا العان. بارلىعى 1200 دەي پلانەتانىڭ باعاسىن ەسەپتەپ شىققان. ونىڭ كوبى قاتال كليماتىنا بايلانىستى جوعارى باعالانباعان. عالىمنىڭ ايتۋىنشا، قۇنى 80 ميلليون دوللاردان تومەنى ادامداردىڭ ءومىر ءسۇرۋى مۇمكىن ەمەس پلانەتالار ەكەن.

«بۇل فورمۋلا جەر شارىنىڭ قانشالىقتى قۇندى ەكەنىن اڭعارتادى. بۇل ونى باعاسىن ءبىلىپ، ساقتاۋىمىزعا سەپتىگىن تيگىزەدى دەپ ويلايمىن»، - دەيدى لافلين.

جەر شارىنىڭ قۇنى ساتۋ ءۇشىن ەمەس، ونىڭ باعاسىن ءبىلۋ، تابيعاتتى ايالاۋ ءۇشىن جاسالعان. ء تىپتى مۇنداي كولەمدەگى قارجى بىرەۋدىڭ قولىندا بولا قويۋى دا ەكىتالاي. 5 كۆادريلليون دوللار دەگەن - الەمنىڭ 100 جىلداعى جالپى ىشكى ونىمىنە تەڭ.

massaget.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات