+7 (701) 759 90 19
-8 °С : نۇر-سۇلتان
-6 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

قوستاناي وبلىسىندا تراكتوردىڭ پلاستيك بولشەكتەرى شىعارىلادى

30 قاراشا 20:45
:ءبولىسۋ
قوستاناي وبلىسىندا تراكتوردىڭ پلاستيك بولشەكتەرى شىعارىلادى

نۇر- سۇلتان. قازاقپارات - قوستاناي وبلىسىندا تراكتوردىڭ پلاستيك بولشەكتەرى شىعارىلادى، دەپ حابارلايدى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.

بىلتىر قوستانايدا تراكتور زاۋىتى اشىلىپ ، 500 تۇراقتى جۇمىس ورنى قۇرىلعان ەدى. جاڭا زاۋىتتىڭ اشىلۋىنا ۇكىمەت باسشىسى اسقار مامين قاتىستى. ايتا كەتسەك، بىلتىر اسقار مامين ەلوردادا «پەتەربۋرگ تراكتور زاۋىتى» ا ق ديرەكتورى سەرگەي سەرەبرياكوۆپەن كەزدەسۋ وتكىزدى. ونىڭ بارىسىندا ق ر مەن ر ف اراسىنداعى ىنتىماقتاستىق ماسەلەلەرى، سونداي- اق قازاقستاندا «كيروۆەتس» تراكتورلارى ءوندىرىسىن دامىتۋ پەرسپەكتيۆالارى تالقىلاندى. ەندى قوستانايداعى تراكتور زاۋىتى «كيروۆەتس» تراكتورلارىنا ارنالعان دوڭعالاق بولشەگىن، گاز شىعاراتىن تۇتىكتىڭ قورعانىس قاپتاماسىن، اككۋمۋلياتور باتارەياسىنىڭ قاقپاعى جانە باسقا دا پلاستيكالىق بولشەكتەردى شىعاراتىن بولادى.

«قوستاناي وبلىسىندا اتالمىش جوبانى ىسكە اسىرۋ ماقساتىندا ماماندار پەتەربۋرگ تراكتور زاۋىتىندا وقىتۋدان ءوتتى. بولاشاقتا پلاستيكالىق بولشەكتەردىڭ جەرگىلىكتى وندىرىسىنە تولىقتاي كوشۋ، ونىڭ ىشىندە ەڭ كۇردەلى بولىپ سانالاتىن كاپوت ءوندىرىسىن ۇيىمداستىرۋ كوزدەلگەن. قازاقستاندىق قامتۋدى ۇلعايتۋ ءۇشىن كاسىپورىننىڭ مەنشىكتى ينۆەستيتسياسى تەك ءبىرىنشى كەزەڭدە عانا 85 ميلليون تەڭگەنى قۇرادى. وسىدان بىرنەشە كۇن بۇرىن قوستاناي تراكتور زاۋىتىنىڭ تەحنيكاسىن قۇراستىرۋ ۋچاسكەسىنىڭ باستىعى، التى تەمىر ۇستاسى جانە شەبەر بريگادير سانكت- پەتەربۋرگتەن ورالدى. پەتەربۋرگ تراكتور زاۋىتىنىڭ قابىرعاسىندا ءبىر اي بويى وتكەن وقۋ قوستانايلىق مامانداردىڭ مۇمكىندىكتەرىن تۇبەگەيلى وزگەرتتى» ، دەلىنگەن مينيسترلىكتىڭ اقپاراتىندا.

ايتا كەتۋ كەرەك، سانكت- پەتەربۋرگ تراكتور زاۋىتى ۇزاق ۋاقىتتان بەرى پلاستيكتەن جاسالعان بولشەكتەردىڭ كەڭ تۇرلەرىن وندىرۋگە كوشتى، بۇل كومپانياعا ءۇشىنشى تاراپ وندىرۋشىلەرىنەن پوليمەرلى ءونىمدى ساتىپ الۋدان تولىعىمەن باس تارتۋعا مۇمكىندىك بەرگەن. ءدال وسىنداي تاجىريبەنى، جاڭا تەحنولوگيالاردى، جابدىقتار مەن ماتەريالداردى قوستانايلىقتار دا قابىلدادى. ەگەر بۇرىن مۇندا تىكەلەي پتز- دا جاسالعان پلاستيكتەن جاسالعان دايىن بولشەكتەر كەلەتىن بولسا، ەندى ولاردى قوستاناي زاۋىتىنىڭ ماماندارى وندىرەتىن بولادى، بۇل ءۇشىن شىنى پلاستيكتى دايىنداۋ بويىنشا بارلىق جاعداي جاسالعان.

جالپى، قوستانايداعى تراكتور زاۋىتى جىلىنا 500 دەن 700 گە دەيىن الىپ تراكتورلاردى قۇراستىرادى. جوبا ينجەنەرى دميتري گايداردىڭ ايتۋى بويىنشا، مۇندا پ ت ز وكىلدەرىمەن بىرگە جاسالعان ارنايى قالىپتاۋ ماتريتسالارى قولدانىلادى، ولاردىڭ ساپاسى دا، بولشەكتەرى دە سانكت- پەتەربۋرگتە جاسالعان بۇيىمداردان ەشبىر ەرەكشەلىگى جوق. ەڭ باستىسى، ەندى پلاستيكتەن قاجەتتى بولىك سىنعان نەمەسە اۋىستىرىلعان كەزدە رەسەيگە ءوتىنىش جىبەرۋدىڭ قاجەتى جوق، مۇنداي جاعدايلار ءوندىرىس وشاعىندا ءبىر اپتانىڭ ىشىندە شەشىمىن تابادى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات