+7 (701) 759 90 19
-8 °С : نۇر-سۇلتان
-6 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

اسقار مامين شانحاي ىنتىماقتاستىق ۇيىمىنىڭ اگروونەركاسىپ سالاسىنداعى ىنتىماقتاستىعىن كۇشەيتۋدى ۇسىندى

30 قاراشا 19:26
:ءبولىسۋ
اسقار مامين شانحاي ىنتىماقتاستىق ۇيىمىنىڭ اگروونەركاسىپ سالاسىنداعى ىنتىماقتاستىعىن كۇشەيتۋدى ۇسىندى

نۇر- سۇلتان. قازاقپارات – ق ر پرەمەر- ءمينيسترى اسقار مامين بەينەكونفەرەنسيا بايلانىسى رەجيمىندە شانحاي ىنتىماقتاستىق ۇيىمىنىڭ (ش ى ۇ) ۇكىمەت باسشىلارى كەڭەسىنىڭ (ۇ ب ك) وتىرىسىنا قاتىستى، دەپ حابارلايدى primeminister.kz.

ۇكىمەت باسشىسى ساۋدا سالاسىنداعى ىنتىماقتاستىقتى كۇشەيتۋ، ش ى ۇ اياسىنداعى تاۋار اينالىمىنىڭ كولەمى مەن تەرەڭدىگىن ارتتىرۋ ءۇشىن ءوزارا مۇمكىندىكتەردى زەردەلەۋ قاجەتتىگىن اتاپ ءوتتى.

ق ر پرەمەر- ءمينيسترى ش ى ۇ- نىڭ ازىق- تۇلىك قاۋىپسىزدىگى جونىندەگى ىنتىماقتاستىق باعدارلاماسىن قايتا قاراپ، ونى ا و ك سالاسىنداعى ينۆەستيتسيالىق جانە يننوۆاتسيالىق ىنتىماقتاستىقتى ارتتىرۋ جونىندەگى ناقتى شارالارمەن تولىقتىرۋدى ۇسىندى.

ونىڭ ايتۋىنشا، قۇجاتتى ش ى ۇ- عا مۇشە مەملەكەتتەردىڭ ءارقايسىسىنىڭ باسەكەلەستىك ارتىقشىلىقتارىن، سونداي- اق سىرتقى جانە ىشكى شوكتارعا سەنىمدى، قولجەتىمدى جانە تۇراقتى لوگيستيكالىق ينفراقۇرىلىمدى قامتاماسىز ەتۋدىڭ جاڭا تاسىلدەرىن ەسكەرە وتىرىپ كۇشەيتۋ قاجەت. ۇكىمەت باسشىسى ش ى ۇ اياسىندا ونەركاسىپتىك جانە ينۆەستيتسيالىق ىنتىماقتاستىقتى ارتتىرۋ قاجەتتىگىن اتاپ ءوتتى.

«بىرلەسكەن ينۆەستيتسيالىق جوبالاردى ىسكە اسىرۋ ۇلتتىق ەكونوميكالاردىڭ ينتەگراتسيا دەڭگەيىن كۇشەيتۋگە، وندىرىستىك پروتسەستەردىڭ باعىتتارىن ءارتاراپتاندىرۋعا جانە ولاردىڭ تۇراقتىلىعىن ارتتىرۋعا، شىۇ- عا مۇشە مەملەكەتتەر قۇراتىن قۇننىڭ ءوزارا نارىقتارعا دا، سىرتقى نارىقتارعا دا قولجەتىمدىلىگىن كەڭەيتۋگە، باسەكەلىك ارتىقشىلىقتار ەسەبىنەن ەكونوميكالاردىڭ الەۋەتىن بارىنشا ارتتىرۋعا، سىرتقى كۇيزەلىستەردىڭ اسەرىن ازايتۋعا مۇمكىندىك بەرەدى»، - دەدى ا. مامين.

وتىرىسقا ءۇندىستان ۆيتسە- پرەزيدەنتى ۆەنكاي نايدۋ، ق ح ر مەملەكەتتىك كەڭەسىنىڭ پرەمەرى لي كىشياڭ، رەسەي پرەمەر- ءمينيسترى ميحايل ميشۋستين، تاجىكستان پرەمەر- ءمينيسترى كوحير راسۋلزودا، وزبەكستان پرەمەر- ءمينيسترى ابدۋللا اريپوۆ، قىرعىزستان پرەمەر- ءمينيسترىنىڭ م. ا. ارتەم نوۆيكوۆ، پاكىستان پارلامەنتىنىڭ سىرتقى بايلانىستار جونىندەگى حاتشىسى اندليب ابباس، اۋعانستاننىڭ ءبىرىنشى ۆيتسە- پرەزيدەنتى امرۋللا سالەح، بەلارۋس پرەمەر- ءمينيسترى رومان گولوۆچەنكو، يران ءبىرىنشى ۆيتسە- پرەزيدەنتى دجاحانگيري ەسحاك، موڭعوليا ۆيتسە- پرەمەرى يانگۋگيين سودباتار، تۇرىكمەنستان مينيسترلەر كابينەتى ءتوراعاسىنىڭ ورىنباسارى - سىرتقى ىستەر ءمينيسترى راشيد مەرەدوۆ، سونداي- اق ش ى ۇ حاتشىلىعىنىڭ، ا ت ق ق اتقارۋشى كوميتەتىنىڭ، ش ى ۇ ىسكەرلىك كەڭەسىنىڭ جانە بانك ارالىق بىرلەستىگىنىڭ باسشىلىعى قاتىستى.

ش ى ۇ- عا مۇشە مەملەكەتتەر اراسىنداعى ساۋدا- ەكونوميكالىق جانە ينۆەستيتسيالىق سالالارداعى، ونىڭ ىشىندە COVID-19 پاندەمياسىنىڭ سالدارىن ەڭسەرۋ اياسىنداعى ىنتىماقتاستىقتى تەرەڭدەتۋ جونىندەگى شارالار تالقىلاندى. ش ى ۇ ىسكەرلىك كەڭەسى مەن بانكارالىق بىرلەستىگىنىڭ 2019-2020 -جىلدارداعى قىزمەتى، ش ى ۇ- نىڭ وتكەن جىلعى بيۋدجەتىنىڭ اتقارىلۋى تۋرالى ەسەپ، ۇيىمنىڭ 2021 -جىلعا ارنالعان بيۋدجەتى قارالدى. وتىرىس قورىتىندىسى بويىنشا بىرلەسكەن كومميۋنيكە مەن ش ى ۇ- نىڭ 2021-2025 -جىلدارعا ارنالعان كوپجاقتى ساۋدا- ەكونوميكالىق ىنتىماقتاستىق باعدارلاماسىن ىسكە اسىرۋ جونىندەگى ءىس- شارالار جوسپارى قابىلداندى. ش ى ۇ ۇ ب ك كەلەسى وتىرىسىن 2021 -جىلعى قاراشا ايىندا نۇر- سۇلتان قالاسىندا وتكىزۋ جوسپارلانىپ وتىر.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات