جاك اتتالي: نازاربايەۆ - الەمدەگى دانا ادامداردىڭ ءبىرى
قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان «نۇرسۇلتان نازاربايەۆ: جاھاندىق ساياساتكەر» اتتى ونلاين كونفەرەنسياسىندا جاك اتتالي 30 جىل بۇرىن، تاۋەلسىز قازاقستاننىڭ قالىپتاسۋى كەزىندە ەۋروپالىق قايتا قۇرۋ جانە دامۋ بانكى قۇرىلعانىن اتاپ ءوتتى.
«ە ق د ب - قازاقستان ءوزىنىڭ داۋىس بەرۋ قۇقىعىمەن تولىققاندى مۇشەسى بولعان العاشقى حالىقارالىق ينستيتۋتتاردىڭ ءبىرى. ماعان 30 جىل ىشىندە پرەزيدەنت نازاربايەۆپەن بىرنەشە رەت كەزدەسۋگە جانە ونىڭ كوزقاراسىمەن، ەرىك- جىگەرىمەن، ەلدى دامىتۋ قابىلەتىمەن تانىسۋدىڭ تاماشا مۇمكىندىگى تۋدى»، - دەيدى جاك اتتالي.
سونىمەن قاتار، ول قازاقستان كونستيتۋتسياسىنىڭ ەرەجەلەرىن دايىنداۋعا كومەكتەسكەنىن جانە ساراپتامالىق- كونسۋلتاتيۆتىك كەڭەستىڭ مۇشەسى بولعانىن جەتكىزدى.
«وسى ۋاقىتتا مەن نازاربايەۆتىڭ ساياسي كورەگەندىگىن، كەلىسسوزدەردى جۇرگىزۋ جانە وتە قيىن جاعدايدا ارەكەت ەتۋ قابىلەتىن كوردىم. ول الەمدەگى ەڭ دانا ادامداردىڭ ءبىرى بولا العاندىعىنا قاتتى قۋانام. رەسەي، قىتاي، يران جانە باسقا دا ەلدەرمەن كورشىلەس جاتقان قازاقستان سياقتى ەلدى باسقارۋ ءۇشىن ديپلوماتيالىق جانە الەۋمەتتىك تۇرعىدان وراسان زور الەۋەت پەن داعدى قاجەت. نۇرسۇلتان نازاربايەۆ وسى داعدىلارعا يە، سونىڭ ارقاسىندا ول سانالى شەشىمدەر قابىلداي الدى، ونىڭ ءبىرى - ەل استاناسىن استاناعا اۋىستىرۋ جانە ونى الەمدەگى ەڭ جاقسى ساۋلەتشىلەردىڭ كومەگىمەن اسەم جانە حالىقتىڭ ءومىر سۇرۋىنە جاعداي جاسادى»، - دەدى ەۋروپالىق قايتا قۇرۋ جانە دامۋ بانكىنىڭ العاشقى پرەزيدەنتى جاك اتتالي.
اۆتور: الما مۇقانوۆا