+7 (701) 759 90 19
-8 °С : نۇر-سۇلتان
-6 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

جاستارعا ارنالعان جالعا بەرىلەتىن باسپانا بويىنشا شارت مەرزىمىن ۇزارتۋعا بولا ما

30 قاراشا 16:46
:ءبولىسۋ
جاستارعا ارنالعان جالعا بەرىلەتىن باسپانا بويىنشا شارت مەرزىمىن ۇزارتۋعا بولا ما

نۇر- سۇلتان. قازاقپارات - نۇر- سۇلتان قالاسى اكىمدىگى تۇرعىن ءۇي قورىنىڭ باسپا ءسوز حاتشىسى ارماناي قابدەشوۆا «جۇمىس ىستەيتىن جاستارعا ارنالعان ساتىپ الۋ قۇقىعىنسىز جالعا بەرىلەتىن تۇرعىن ءۇي» باعدارلاماسى بويىنشا بالل ەسەپتەۋ ءتارتىبىن ءتۇسىندىردى، دەپ حابارلايدى قازاقپارات ءتىلشىسى.

«باعدارلاماعا قاتىستى بارلىق سۇراقتار بويىنشا 109 قىزمەتىنە (I- Komek) حابارلاسا الاسىزدار. جاستاردىڭ وتىنىمدەرىن قاراستىرۋ مۇمكىندىگىنە قاراي، ءبىز ولارعا ءتيىستى ستاتۋستى قويامىز. وسى ورايدا ءۇش ستاتۋس بولادى. ءبىرىنشىسى - قۇجاتتى قاراستىرۋعا قابىلدانعانى، ەكىنشىسى - دۇرىستاۋ قاجەت بولسا، تۇزەتۋگە جىبەرۋ، ءۇشىنشىسى - باعدارلاما شارتتارىنا سايكەس كەلمەسەڭىز، قۇجاتتاردى قاراستىرۋ توقتاتىلادى»، - دەدى ا. قابدەشوۆا.

ونىڭ سوزىنە قاراعاندا، باعدارلاما اياسىندا كەلىسىمشارت مەرزىمى ۇزارتىلمايدى. «جالعا بەرىلەتىن باسپانا 5 جىل مەرزىمگە ۇزارتۋ قۇقىعىنسىز بەرىلەدى. باسپانانىڭ بۇل ءتۇرى جەكە پاتەر الۋعا اقشا مەن باستاپقى جارنانى جيناۋ ءۇشىن ۇسىنىلادى. ويتكەنى اي سايىنعى جالعا الۋ تولەمى وتە تومەن، ياعني ءۇيدىڭ شارشى مەتر اۋماعىنا قاراي 5 مىڭنان15 مىڭ تەڭگەگە دەيىن. بەس جىلدان كەلىسىمشارتتىڭ كۇشى جويىلادى»، - دەدى باسپا ءسوز حاتشىسى.

ارماناي قابدەشوۆانىڭ ايتۋىنشا، اتالعان باعدارلاما بويىنشا ىرىكتەۋ بالدىق جۇيە بويىنشا جۇرگىزىلەدى. بەلگىلى بولعانداي:

- وتباسىنىڭ بولعانى ءۇشىن - 5 بالل، نەكەنىڭ ءار جىلى ءۇشىن - 2 بالل؛

- بالا بولعانى ءۇشىن-1 بالل، كەلەسى ءاربىر بالا ءۇشىن - 2 بالل؛

- بيۋدجەتتىك ۇيىمدارداعى (مەملەكەتتىك مەكەمەلەر مەن مەملەكەتتىك كاسىپورىندارداعى) ەڭبەك قىزمەتى ءۇشىن - 5 بالل، ەڭبەك ءوتىلىنىڭ ءار جىلى ءۇشىن -1 بالل؛

- نارىق سۇرانىسىنا يە 100 ماماندىق تىزىمىنە سايكەس ماماندىقتى يگەرگەن ءوتىنىش بەرۋشىگە - 10 بالل (ءتىزىم سايتتا جاريالانعان zhilfond.kz)؛

- جەكە كاسىپكەرلىك قىزمەتتى جۇزەگە اسىرۋ كەزىندە كەمىندە 1 -جىل - 5 بالل، ءاربىر جىل ءۇشىن - 1 بالل؛

- ءوتىنىش بەرۋشىنىڭ ءارتۇرلى قىزمەت سالالارىندا جەكە جەتىستىكتەرى بولعان كەزدە (كاسىبي سالاداعى جەتىستىكتەرى ەسكەرىلەدى) - 2 بالل؛

- ەكىنشى دەڭگەيدەگى بانكتەردەگى جيناق شوتتارىنداعى جيناقتاردىڭ ءاربىر جىلى ءۇشىن - 2 بالل.

بۇدان بۇرىن حابارلانعانداي، 2020 -جىلى ەلوردادا 350 پاتەر بەرىلەدى.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات