جاستارعا جالعا بەرىلەتىن باسپانا بويىنشا قانداي جاعدايلاردا شارتتىڭ كۇشى جويىلادى

نۇر- سۇلتان. قازاقپارات - نۇر- سۇلتان قالاسى اكىمدىگى تۇرعىن ءۇي قورىنىڭ باسپا ءسوز حاتشىسى ارماناي قابدەشوۆا «جۇمىس ىستەيتىن جاستارعا ارنالعان ساتىپ الۋ قۇقىعىنسىز جالعا بەرىلەتىن تۇرعىن ءۇي» باعدارلاماسى بويىنشا قانداي جاعدايلاردا شارتتىڭ كۇشى جويىلاتىنىن ءتۇسىندىردى، دەپ حابارلايدى قازاقپارات ءتىلشىسى.

«وسى پاتەردى العاننان كەيىن، ونى باسقالارعا جالعا بەرە المايسىزدار. كەلىسىمشارتتا بۇل تالاپتار كورسەتىلگەن. قۇجاتتا كەلىسىمشارتتى مەرزىمىنەن بۇرىن توقتاتۋعا قۇقىق بەرەتىن ءۇش جاعداي بار. ءبىرىنشىسى - اتالعان باسپانانى ءۇشىنشى ادامدارعا جالعا بەرگەنى ءۇشىن»، - دەدى ا. قابدەگوۆا ەلوردا اكىمدىگىندە وتكەن باسپا ءسوز ءماسليحاتىندا.

ونىڭ ايتۋىنشا، تۇرعىن ءۇي قورىنا مونيتورينگ جۇرگىزۋ ءبولىمى بار. ولار جالعا بەرىلەتىن تۇرعىن ۇيلەردى تەكسەرەتىن بولادى. قىزمەتكەرلەر شارتتى سۇراتىپ، وتباسى قۇرامىن قارايدى. ەگەر پاتەر باسقا بىرەۋلەرگە جالعا بەرىلسە، وندا ءتيىستى اكت جاسالىپ، وسى تەكتەس كەمشىلىكتەردى جويۋعا 5-7 كۇن بەرىلەدى. وسى مەرزىمدە تالاپتار ورىندالماسا، سوت تارتىبىمەن كەلىسىمشارتتىڭ كۇشى جويىلادى.

«ەكىنشىدەن، ەشبىر سەبەپسىز 6 ايدان استام ۋاقىت جالعا الۋ تولەمى جاسالماسا دا شارت بۇزىلادى. ۇشىنشىدەن، جالعا الۋدىڭ بەس جىلى ىشىندە ءسىز جىلجىمايتىن مۇلىك الساڭىز، ياعني جەكە باسپانانى ەرتەرەك ساتىپ الۋعا مۇمكىندىك بولسا»، - دەدى ول.

بۇدان بۇرىن حابارلانعانداي، 2020 -جىلى ەلوردادا جۇمىسشى جاستارعا 350 پاتەر بەرىلەدى. 1-6 جەلتوقسان ارالىعىندا «جۇمىس ىستەيتىن جاستارعا ارنالعان ساتىپ الۋ قۇقىعىنسىز جالعا بەرىلەتىن تۇرعىن ءۇي» باعدارلاماسى بويىنشا قۇجات قابىلدانادى.

اۆتور: رۋسلان عابباسوۆ