16:10, 30 - قاراشا 2020 | GMT +6
ءتىس ەمحاناسىندا كۇيىك شالعان ايەل قازا تاپتى – ب ق و
ورال. قازاقپارات - ورالدا جۇمىس ورنىندا كۇيىك جاراقاتىن العان ايەل قازا تاپتى، دەپ حابارلايدى قازاقپارات ءتىلشىسى.
باتىس قازاقستان وبلىسى توتەنشە جاعدايلار دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، وقيعا 30-قاراشا كۇنى تاڭمەن «قۇرىلىسشى» شاعىناۋدانى، 2/1 مەكەنجايىندا ورنالاسقان ستوماتولوگيا(ءتىس ەمحاناسى) عيماراتىندا بولدى.
وسىندا بەلگىسىز زاتپەن عيماراتتى جيناپ جۇرگەن 31 جاستاعى ايەل 90-92 پايىز كۇيىك جاراقاتىن العان. ايەل ساعات 08.34 تە قالالىق كوپبەيىندى اۋرۋحاناعا جەتكىزىلدى. الايدا ول ەسىن جيماستان، ساعات 12.30 دا جانساقتاۋ بولىمىندە كوز جۇمدى.
اۆتور: ەلجان ەرالى