دجو بايدەن قۇلاپ، تابانىن سىندىرىپ الدى

None
None
نۇر-سۇلتان. قازاقپارات - ا ق ش-تا پرەزيدەنت سايلاۋىنان كەيىن ءوزىن جەڭىمپاز دەپ جاريالاعان دجو بايدەن توموگرافياعا ءتۇسىپ، تابانى سىنعانى انىقتالدى، - دەپ حابارلايدى ريا نوۆوستي ونىڭ جۋرناليستەر پۋلىنا سىلتەمە جاساپ.

«كومپيۋتەر توموگرافياسى ونىڭ قاپتال جانە ورتاداعى شىبىق سۇيەگى جىڭىشكە بولىپ سىنعانىن انىقتادى»، - دەدى رەپورتەرلەر دارىگەردىڭ ءسوزىن كەلتىرىپ.

حابارلامادا ەندى بايدەنگە بىرنەشە اپتا بويى ارنايى اياقكيىم كيۋگە تۋرا كەلۋى مۇمكىن ەكەنى ايتىلعان.

بايدەن سەنبى كۇنى ءوزىنىڭ ءيتى مەيدجورمەن ويناپ جۇرگەندە ءسۇرىنىپ كەتىپ، توبىعىن قايىرىپ الدى. سودان سوڭ دارىگەرگە جۇگىنۋگە ءماجبۇر بولعان. باسىندا ورتوپەد ونىڭ تەك ءسىڭىرى سوزىلعانىن، سۇيەگى سىنباعانىن ايتقان. دەگەنمەن ول ساياساتكەردى قوسىمشا تەكسەرىلۋگە جىبەرگەن.

ەسكە سالايىق، ا ق ش-تا پرەزيدەنت سايلاۋى 3-قاراشادا ءوتتى. الدىن الا مالىمەتتەر بويىنشا بايدەن جەڭىس جەتتى. قازىرگى پرەزيدەنت دونالد ترامپ جەڭىلگەنىن مويىنداماي، بىرنەشە شتاتتىڭ سوتىنا شاعىمداندى.

سوڭعى جاڭالىقتار