قازاقستاندا باسپانا قىمباتتاي ما؟

None
None
نۇر-سۇلتان. قازاقپارات - ساراپشى 2020-جىلدىڭ سوڭىندا جانە 2021-جىلدىڭ باسىندا قازاقستاندا باسپانا باعاسى قالاي وزگەرەتىنىن ايتتى، - دەپ حابارلايدى Tengrinews.kz ءتىلشىسى.

جىلجىمايتىن مۇلىك فەدەراتسياسىنىڭ پرەزيدەنتى ەرمەك مۇسىرەپوۆتىڭ ايتۋىنشا، باسپانا نارىعىندا باستاپقى نارىقتاعى تۇرعىن ۇيلەر قىمباتتاپ جاتىر. بۇل ەليت، بيزنەس جانە جايلى ساناتتاعى پاتەرلەرگە قاتىستى ەكەن.

ساراپشىنىڭ سوزىنە قاراعاندا، باعانىڭ قىمباتتاۋى قۇرىلىس زاتتارىنىڭ شەتەلدەن اكەلىنۋىمەن بايلانىستى.

ال ەكونوم ساناتتاعى باسپانانىڭ باعاسى، ساراپشىنىڭ ايتۋىنشا، وزگەرىسسىز، ءبىرقالىپتى.

«سەبەبى بارلىق مامىلە ەكىنشى دەڭگەيدەگى بانكتەر مەن تۇرعىن ءۇي باعدارلامالارىنىڭ وپەراتورلارى ارقىلى جۇزەگە اسىرىلاتىن مەملەكەتتىك باعدارلامالار تاراپىنان الىنعان سۋبسيديالانعان يپوتەكالىق قارىزدار نەگىزىندە جۇرگىزىلەدى. ەكونومكلاسس - بۇگىنگى تاڭدا ساتۋ-ساتىپ الۋ پروتسەستەرى ەڭ بەلسەندى ءجۇرىپ جاتقان سانات.

سونىمەن قاتار، بۇل ۇيلەر 80 پايىز قازاقستاندىق قۇرىلىس ماتەريالدارىنان سالىنىپ جاتىر. سوندىقتان ولاردىڭ باعاسى كوتەرىلمەيدى»، - دەيدى ول.

جىلجىمايتىن مۇلىك فەدەراتسياسى پرەزيدەنتىنىڭ بولجامى بويىنشا، 2020-جىلدىڭ سوڭىندا جانە 2021-جىلدىڭ باسىندا باسپانا قىمباتتامايدى.

«كارانتين سالدارىنان حالىقتىڭ كوبى تابىسىنان ايىرىلدى. كوپتەگەن سالا قىزمەتكەرى جۇمىسسىز قالدى. پاتەر يەلەرى كليەنتتەرىن جوعالتتى. سوندىقتان تۇرعىن ءۇي باعاسى ءوسۋىنىڭ العىشارتتارىن كورمەيمىن»، - دەدى مۇسىرەپوۆ.

سوڭعى جاڭالىقتار