تۇمان، كوكتايعاق، كۇشتى جەل - دۇيسەنبىگە ارنالعان اۋا رايى
30 - قاراشادا قازاقستاننىڭ باسىم بولىگىندە انتيتسيكلون اسەرىنەن كوبىنەسە جاۋىن-شاشىنسىز اۋا رايى كۇتىلەدى.
ەلىمىزدىڭ سولتۇستىگى، شىعىسى، ورتالىعى جانە وڭتۇستىك-شىعىسىنىڭ اۋا رايىن تسيكلون جانە اتموسفەرالىق فرونتالدى بولىكتەر انىقتايدى - كەي جەرلەردە قار جاۋادى.
رەسپۋبليكانىڭ كەي جەرلەرىندە تۇمان ءتۇسىپ، جاياۋ بۇرقاسىن سوعادى، جەلدىڭ كۇشەيىپ، ەلىمىدىڭ سولتۇستىك-شىعىسىندا كوكتايعاق بولۋى ىقتيمال.
اقمولا، شىعىس قازاقستان وبلىستارىنىڭ كەي جەرلەرىندە تۇمان ءتۇسىپ، جاياۋ بۇرقاسىن سوعادى، تۇندە شىعىس قازاقستان وبلىسىنىڭ كەي جەرلەرىندە جەل 15-20 م/س كۇشەيەدى.
الماتى وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى.
جامبىل، قىزىلوردا وبلىستارىنىڭ كەي جەرلەرىندە تۇمان ءتۇسۋى مۇمكىن، كۇندىز - كوكتايعاق.
تۇركىستان، ماڭعىستاۋ، اتىراۋ وبلىستارىنىڭ كەي جەرلەرىندە جەل 15-20 م/س كۇشەيەدى، تۇركىستان وبلىسىنىڭ كەي جەرلەرىندە تۇمان تۇسەدى.
سولتۇستىك قازاقستان، پاۆلودار، باتىس قازاقستان، قوستاناي، تۇندە اقتوبە وبلىستارىنىڭ كەي جەرلەرىندە تۇمان ءتۇسۋى مۇمكىن.