+7 (701) 759 90 19
-16 °С : نۇر-سۇلتان
-8 °С : الماتى
USD 418.41 EUR 507.95
RUB 5.69 CNY 64.76
جاڭالىقتار

كورىكتى باركولدىڭ فوتوشەجىرەسىن جازىپ جۇرگەن ازامات - شەتەلدەگى قازاق ءتىلدى ب ا ق- قا شولۋ

29 قاراشا 15:01
:ءبولىسۋ
كورىكتى باركولدىڭ فوتوشەجىرەسىن جازىپ جۇرگەن ازامات - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات - «قازاقپارات» حالىقارالىق اقپارات اگەنتتىگى شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

فوتو سۋرەتتەرى - ورنەكتى، ەڭبەگى - كورنەكتى ازامات - CNR

قىتايلىق kazakcnr.com سايتىندا قىتايدا تۇراتىن قانداسىمىز، بەلگىلى فوتوگراف، قىتايدىڭ «سينحۋا» اقپارات اگەنتتىگىنىڭ فوتو ءتىلشىسى ءداۋىت ءراشات ۇلىنىڭ شىعارماشىلىعى تۋرالى اقپارات جارىق كورگەن.

اتالعان ب ا ق- تىڭ جازۋىنشا، ءداۋىت ءراشات ۇلى «كورىكتى باركول جايلاۋىم، كوركىڭە سۇلۋ تويمادىم» دەپ ءان بولىپ شىرقالعان، اسىل مەكەن شىڭجان ولكەسىنىڭ باركول اۋدانىندا تۋعان. بالا كۇنىنەن ونەرگە ىنتالى ازامات بولىپ ەسەيگەن ءداۋىت 2015 -جىلى باركول اۋدانى اكىمشىلىگىنىڭ ۇگىت- ناسيحات بولىمىندە جۇمىس ىستەگەن. وسىندا ءجۇرىپ فوتواپپاراتپەن جەرگىلىكتى ءوڭىردىڭ كوركتى تابيعاتىن تۋريستەرگە ناسيحاتتاۋعا اتسالىسقان.

«تالانتتى ازاماتتىڭ ومىردەگى جۇمىسى ونەرگە ۇلاسىپ، تۋعان جەردىڭ كوركەم كورىنىسى، تابيعاتتىڭ اسەم كەسكىنى ونىڭ فوتواپپاراتىنىڭ كوزىنەن جارىق ەتىپ تۇرلەنىپ، تاماشا تۋىندىعا اينالاتىن بولعان. وسىلايشا ونەردىڭ سارا جولىنا تۇسكەن ءداۋىتتىڭ كوپتەگەن فوتوسۋرەتتەرى جەرگىلىكتى ب ا ق- تار مەن قاتار «سينحۋا» اقپارات اگەنتتىگى، قىتاي اقپارت اگەنتتىگى، حالىق گازەتى، شىڭجان گازەتى سەكىلدى قىتاي تىلىندەگى ءىرى مەديالاردا جارىق كورەدى. مىڭنان استام كوركەم فوتوتۋىندىلاردىڭ اۆتورى ءداۋىت ءراشات ۇلىنىڭ 50- دەن استام فوتوسۋرەتتەرى ءتۇرلى كورمەلەرگە قويىلىپ، ماراپاتتالعان. سونداي- اق قازىرگى كۇنى ءداۋىت «سينحۋا» اقپارات اگەنتتىگىنىڭ جەرگىلىكتى جەردەگى ارنايى ۇسىنىس ەتىلگەن مەنشىكتى فوتوءتىلشىسى بولىپ جۇمىس اتقارىپ ءجۇر. وسىنداي تالاپتى ازاماتتىڭ الداعى ونەر ساپارىنا اق جول تىلەپ، ءبىر ءبولىم فوتو تۋىندىلارىن وقىرمانعا ۇسىنىپ وتىرمىز»، - دەپ جازادى CNR.

COVID-19 دارىگەر كوزىمەن - «قازاق ەلى» جۋرنالى

تۇركيادا شىعاتىن «قازاق ەلى» جۋرنالىندا دارىگەر- انەستەزيولوگ ابدۋلجەليل گەزميشتىڭ الەم جۇرتشىلىعىن الاڭداتقان كوروناۆيرۋس ىندەتى جانە ودان ساقتانۋ، ەمدەۋ جولدارى تۋرالى عىلىمي- تانىمدىق ماقالاسى جارىق كورگەن.

«COVID-19 - جانۋارلارعا دا، ادامدارعا دا اسەر ەتەتىن (زوونيكالىق) كوروناۆيرۋستىڭ (RNA) ءبىر ءتۇرى. بۇل ۆيرۋستىڭ مۋتاتسياعا ۇشىراۋ ەرەكشەلىگى بار. كوروناۆيرۋستىڭ ءجيى كەزدەسەتىن بەلگىلەرى: دەنە قىزۋى - % 83-99، تابەتتىڭ جوعالۋى - % 40-84، شارشاۋ - % 44-70، ءيىس سەزۋ قابىلەتىنىڭ ناشارلاۋى - % 15-30، تىنىس الۋدىڭ قيىنداۋى - % 31-40، جوتەلۋ - % 59- 82، قاقىرىق ارالاسقان جوتەل - % 28-33، بۇلشىق ەتتىڭ اۋىرۋى - % 11- 35. كوروناۆيرۋستىڭ اۋىر ءتۇرىنىڭ بەلگىلەرى: ويانا الماۋ (قوزعالا الماۋ نەمەسە تۇرا الماۋ) ، شاتاسۋ، بەت پەن ەرىننىڭ كوگەرۋى، قان ارالاس قاقىرىقتىڭ ءبولىنۋى، كوكىرەك تۇسىنىڭ اۋىرۋى، لەيكوتسيتتەردىڭ دەڭگەيىنىڭ تومەندەۋى، بۇيرەك جۇمىسىنىڭ بۇزىلۋى، دەنە ىستىعىنىڭ كوتەرىلۋ بەلگىلەرى بولادى. جالپى، بۇل جوعارى تەمپەراتۋرا مەن جوتەل، اۋىر تۇرىمەن اۋىرعان جاعدايلاردا تىنىس الۋ قيىندىعىن تۋدىراتىن اۋرۋ»، - دەپ جازادى ابدۋلجەليل گەزميش.

ماقالا اۆتورىنىڭ جازۋىنشا، Covid-19 دارەجەسى مەن دەڭگەيى ءارتۇرلى. اۋرۋدىڭ بەلگىلەرى از نەمەسە مۇلدەم بولماۋى مۇمكىن. اۋىر جاعدايلاردا اۋرۋحانادا نەمەسە قارقىندى تەراپيا جاعدايىندا قاجەتتى ەم جۇرگىزىلۋى ءتيىس. ءارتۇرلى جاستاعى بالالار COVID-19 ينفەكسياسىن جۇقتىرۋى مۇمكىن. دەگەنمەن ەرەسەكتەرمەن سالىستىرعاندا سيمپتومدارى جەڭىل وتەدى.

«ەلۋ جاسقا دەيىنگى ناۋقاستاردىڭ ءولىم دەڭگەيى - % 0,5، جەتپىس جانە جەتپىس جاستان جوعارى جاستاعى ناۋقاستاردىڭ ءولىم دەڭگەيى % 8- دەن ارتىق. بۇل ۆيرۋس جۇكتى ايەلدەر ءۇشىن قاۋىپتى، دەسە دە ينفەكسيا جۇقتىرعان انالار بالالارىن ەمىزە بەرسە بولادى. ويتكەنى ۆيرۋستىڭ انا سۇتىمەن جۇعاتىندىعى انىقتالماعان. راستالعان جاعدايلاردىڭ ىشىندە جوعارى قان قىسىمى، قانت ديابەتى، جۇرەك اۋرۋى جانە تىنىس الۋ جۇيەسىنىڭ بۇزىلۋىمەن اۋىراتىن ناۋقاستاردا ءولىم دەڭگەيى بەس ەسە جوعارى. قىتايدا جۇرگىزىلگەن زەرتتەۋ ناتيجەسى بويىنشا ينفەكسياعا بايلانىستى ايەلدەردىڭ ءولىمى - % 1,7، ەرلەردىڭ ءولىمى - % 2,8. قايتىس بولعان ناۋقاستارعا جۇرگىزىلگەن اۋتوپسيادا وكپە مەن جۇرەككە زاقىم كەلگەندىگى انىقتالعان. ۆيرۋس جۇقتىرعان ادامدار جوتەلگەن، تۇشكىرگەن جانە سويلەسكەن كەزدە اۋىزدان شىققان تامشىدا ۆيرۋس بولادى. كوزگە كورىنبەيتىن بۇل تامشىلار ءجيى قولدانىلاتىن ورتادا ۆيرۋستىڭ قالدىقتارى قالىپ قويۋى مۇمكىن. ۆيرۋستىڭ ومىرشەڭدىگى ءارتۇرلى، كەي جەرلەردە 80 ساعاتقا دەيىن تۇرا بەرەدى.

ەمدەۋگە بايلانىستى زەرتتەۋلەر جالعاسىپ جاتىر. ۆاكسينا تابىلعانعا دەيىن ۆيرۋسقا قارسى جانە باسقا دا دارىلەرمەن (رەمدەسيۆير، حلوروحين، فاۆيپيراۆير، تەيكوپلانين، ازيتروميتسين)، ەكسپەريمەنتتىك ەمدەۋ تسيتوكين داۋىلىنىڭ تسيتوكين داۋىلىن بەيتاراپتاندىرۋ، ءپاسسيۆتى يممۋنداۋ، تىنىس الۋدى قولداۋ ارقىلى ەمدەۋ جولدارى قولدانىلادى. اۋرۋ بەلگىلەرى بايقالمايتىن جانە جالپى جاعدايى جاقسى ناۋقاستاردى كارانتين شارتتارىنا سايكەس ۇيدە قاداعالايمىز (ەكى اپتادان كەيىن تەكسەرۋدەن وتكىزىلەدى) . جالپى جاعدايى ورتاشا جانە ناشار اسىرەسە تىنىس الۋ جۇيەسى بۇزىلعان ناۋقاستاردى اۋرۋحانا بولمەسىندە جانە قارقىندى تەراپيا جاعدايىندا قاجەتتى ەم جۇرگىزۋدەمىز.

قازىر ىندەتتىڭ باسىنداعى تۇسىنىكسىز جاعداي مەن قورقىنىش جوق، اقىرىنداپ ۇيرەنىپ كەلەمىز. ءبىزدىڭ باستى ماقساتىمىز - دەنساۋلىق ساقتاۋ جۇيەسىنە سايكەس ءتيىمدى جۇمىس ىستەۋ جانە ەكىنشى تولقىن بولعان جاعدايدا ەڭ ناشار ستسەنارييگە دايىن بولۋ. رەتى كەلگەندە COVID-19 پاندەمياسىنا بايلانىستى ومىرمەن قوش ايتىسقان بارلىق دەنساۋلىق ساقتاۋ سالاسىنىڭ قىزمەتكەرلەرىن قۇرمەتپەن ەسكە الامىن»، - دەپ جازادى اۆتور ماقالاسىندا.

يران مەن قازاقستان كوروناۆيرۋس ۆاكسيناسى جونىندە پىكىر الماستى – فارس اقپارات

يران مەن قازاقستاننىڭ دەنساۋلىق ساقتاۋ مينيسترلەرىنىڭ ورىنباسارلارى كوروناۆيرۋس ۆاكسيناسىنا جىلدام قول جەتكىزۋ ءۇشىن ەكى ەلدىڭ ىسكە اسىرعان سوڭعى جۇمىستارىن تالقىعا سالدى، دەپ جازادى فارس اقپارات اگەنتتىگى.

«يران دەنساۋلىق ساقتاۋ ءمينيسترىنىڭ ارنايى كومەكشىسى موحسەن اسادي لاري، يراننىڭ قازاقستانداعى ەلشىسى مادجيد سابەر جانە قازاقستان دەنساۋلىق ساقتاۋ ءمينيسترىنىڭ ءبىرىنشى ورىنباسارى مارات شورانوۆ ۆيدەو فورماتتا وتكەن سۇحباتتا كوروناۆيرۋس ۆاكسيناسىنا قول جەتكىزۋ سالاسىنداعى سوڭعى جۇمىستار تۋرالى پىكىر الماستى. بۇل سۇحباتتا ەكى تاراپ يران مەن قازاقستانداعى كوروناۆيرۋس پاندەمياسىنىڭ سوڭعى جاعدايىن تالقىلادى جانە ۆاكسينانى ەلدە ءوندىرۋ نەمەسە ونى باسقا ەلدەردەن يمپورتتاۋ سالاسىنداعى تالپىنىستاردى ءسوز ەتتى» دەپ جازادى Рarstoday .

تۇركيادان 857 مامان الەمدەگى تابىستى عالىمدار تىزىمىنە ەندى - TRT

تۇركيادان 857 عالىم الەمدەگى ەڭ تابىستى عالىمدار تىزىمىنە ەندى، دەپ حابارلايدى تۇركيا راديو تەلەۆيزيا پورتالى.

«قاراتەڭىز تەحنيكالىق ۋنيۆەرسيتەتىنەن جاسالعان مالىمدەمەدە ستارفورد ۋنيۆەرسيتەتىنىڭ عالىمى، پروفەسسور، دوكتور دجون پ. ا. يواننيديس پەن زەرتتەۋ توبى تاراپىنان دايىندالعان ءتۇرلى سالاداعى، الەمدەگى 7 ميلليون عالىم اراسىنان العاشقى 2 پايىزعا كىرگەن 160 مىڭ كىسىدەن قۇرالعان ءتىزىم «Plos Biology» جۋرنالىندا جاريالاندى. ءتىزىم دايىندالعان كەزدە عالىمدار һ - يندەكسى، تارالىم جانە سىلتەمە سانى سياقتى ماڭىزدى ولشەمدەردى ەسكەرە وتىرىپ شەشىم قابىلداعان. تىزىمگە تۇركيادان 2019 -جىلعى ساناق بويىنشا 857 عالىم كىردى» دەپ جازادى TRT.

«فاريدانىڭ ەكى مىڭ ءانى» اتتى وزبەك فيلمى «وسكار» سىيلىعىنا ۇسىنىلدى – ءو ز ا

ا ق ش كينواكادەمياسىنىڭ ۇزدىك كينەماتوگرافيا ماراپاتى - «وسكار» سىيلىعىنىڭ 93- مارتە وتەتىن بايقاۋىندا «ەڭ ۇزدىك شەتەلدىك كوركەم فيلم» نوميناتسياسىنا وزبەكستان اتىنان يەلقين تويچييەۆتىڭ «فاريدانىڭ ەكى مىڭ ءانى» اتتى كوركەم فيلمى قاتىسادى، دەپ جازادى وزبەكستاننىڭ ءو ز ا مەملەكەتتىك اقپارات اگەنتتىگى.

اتالعان ب ا ق- تىڭ جازۋىنشا، «وزبەك كينو» ۇلتتىق اگەنتتىگىنىڭ تاپسىرىسى بويىنشا «Fox Music Cinema» ستۋدياسى تاسپالاعان تۋىندى وتكەن اپتادا رەسەيدەگى «ماسكەۋ پرەمەراسى» حالىقارالىق كينوفەستيۆالىندە گران- پري يەگەرى بولعان.

«فاريدانىڭ ەكى مىڭ ءانى» اتتى كارتينادا وتكەن عاسىردىڭ باسىندا تۇركىستاندا بولعان ساياسي وقيعالار باياندالىپ، ول قاراپايىم ءبىر وتباسىنىڭ تۇرمىسى ارقىلى كورسەتىلگەن. ايتا كەتسەك، وتكەن جىلعى «وسكار» ماراپاتىنا وزبەكستان اتىنان جاس رەجيسسەر ۋميد حامداموۆتىڭ «يسسيق نون» (ىستىق نان) اتتى تولىق مەتراجدى فيلمى قاتىسقان» دەپ جازادى ءو ز ا.

قازاقستان- موڭعول ۇكىمەتارالىق كوميسسياسىنىڭ 8-وتىرىسى ءوتتى - KAZNEWS


ساۋدا- ەكونوميكالىق، عىلىمي- تەحنيكالىق جانە مادەني ىنتىماقتاستىق بويىنشا قازاقستان- موڭعول ۇكىمەتارالىق كوميسسياسىنىڭ 8-وتىرىسى ونلاين ءوتتى، دەپ حابارلايدى موڭعوليالىق KAZNEWS اقپارات پورتالى.

«قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى باقىت سۇلتانوۆ پەن موڭعوليانىڭ ەڭبەك جانە حالىقتى الەۋمەتتىك قورعاۋ ءمينيسترى ايۋۋشيين اريۋنزاياانىڭ قاتىسۋىمەن وتكەن وتىرىستا ەكىجاقتى ساۋدا- ەكونوميكالىق قاتىناستىڭ بولاشاعى، سونداي- اق اۋىل شارۋاشىلىعى، ينۆەستيتسيا، كاسىپكەرلىك، كولىك، ەڭبەك جانە حالىقتى الەۋمەتتىك قورعاۋ، ستاندارتتاۋ جانە مەترولوگيا، مادەنيەت، سپورت، تۋريزم، ءبىلىم سالالارىنداعى ىنتىماقتاستىق باعىتتارى جانە قازاقستان مەن موڭعوليا اراسىنداعى شارتتىق- قۇقىقتىق بازانى ودان ءارى دامىتۋ ماسەلەلەرى تالقىلاندى.

ەكىجاقتى ساۋدا- ەكونوميكالىق قاتىناستاردى دامىتۋ جانە ەكسپورتتىق الەۋەتتى ارتتىرۋ ماقساتىندا تاراپتار كورمەلەر، دوڭگەلەك ۇستەلدەر مەن جارمەڭكەلەر وتكىزىپ تۇرۋ جونىندە ۋاعدالاستىققا قول جەتكىزدى. تاراپتار اۋىل شارۋاشىلىعى سالاسىنداعى قازاقستاندىق- موڭعول ىنتىماقتاستىقتى تەرەڭدەتۋ، اتاپ ايتقاندا ەكى ەلدىڭ عىلىمي- زەرتتەۋ ۇيىمدارىنىڭ ءوزارا ارەكەتتەستىگىنىڭ ماڭىزدىلىعىن اتاپ ءوتتى. سونىمەن قاتار، تۋريزم جانە مادەنيەت ماسەلەلەرىن كوتەرە وتىرىپ، وسى سالالارداعى ەكىجاقتى پەرسپەكتيۆالى ىنتىماقتاستىق بويىنشا وي ءبولىستى. بۇل رەتتە، COVID-19 پاندەمياسىنا بايلانىستى ەپيدەميولوگيالىق احۋال تۇراقتالعاننان كەيىن «نۇر- سۇلتان - ۇلانباتىر» جانە «الماتى - ۇلانباتىر» تىكەلەي اۋە رەيستەرىن، سونداي- اق «بايان- ولگەي - الماتى - بايان- ولگەي» حالىقارالىق اۆتوبۋس قاتىناسىن قالپىنا كەلتىرۋدى، ءوزارا مادەني- گۋمانيتارلىق ءىس- شارالار وتكىزۋدى تالقىلادى. كەزدەسۋ قورىتىندىسى بويىنشا ساۋدا- ەكونوميكالىق، عىلىمي- تەحنيكالىق جانە مادەني ىنتىماقتاستىق جونىندەگى ەكىجاقتى ۇكىمەتارالىق كوميسسيانىڭ حاتتاماسىنا قول قويىلدى. ۇكىمەتارالىق كوميسسيانىڭ كەلەسى وتىرىسى 2022 -جىلى ۇلانباتىردا وتكىزىلەدى»، - دەپ جازادى KAZNEWS پورتالى.

اۆتور: باقىتجول كاكەش


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات