+7 (701) 759 90 19
-17 °С : نۇر-سۇلتان
-8 °С : الماتى
USD 418.41 EUR 507.95
RUB 5.69 CNY 64.76
جاڭالىقتار

اتىراۋدا مەكتەپ مۇعالىمى ەكولوگيالىق تازا سابىن جاسادى

29 قاراشا 13:46
:ءبولىسۋ
اتىراۋدا مەكتەپ مۇعالىمى ەكولوگيالىق تازا سابىن جاسادى

اتىراۋ. قازاقپارات - اتىراۋ وبلىسىندا مەكتەپ مۇعالىمى ەكولوگيالىق تازا سابىن جاسادى، دەپ حابارلايدى قازاقپارات.

وبلىستىق ءبىلىم باسقارماسى باسپا ءسوز قىزمەتىنىڭ مالىمەتىنشە، ماقات اۋدانىنداعى №76 ل. شاحاتوۆ ورتا مەكتەبىنىڭ مۇعالىمى سابىننىڭ بىرنەشە ءتۇرىن جاساپ شىعارعان. حيميالىق قوسپاسىز جاسالعان سابىندار ەكولوگيالىق تازالىعىمەن ەرەكشەلەنەدى.

«گيپواللەرگەندى ءونىمدى كۇندەلىكتى تۇرمىستا حوش ءيىستى سابىن رەتىندە قولدانۋعا بولادى. سابىندى جاساۋ كەزىندەا تابيعي ونىمدەردى پايدالانامىن. ماسەلەن، ليمون دەنەگە بالعىندىق، قۇرامىنداعى س دارۋمەنى اعزاعا ءنار بەرەدى. ەكىنشى ءتۇرى - اقجەلكەن قوسىلعان سابىن. ونىڭ قۇرامىندا كوپتەگەن دارۋمەندەر توپتاماسى بار. اقجەلكەندى كەپتىرۋ ارقىلى جاسالعان سابىندى جاڭا تۋعان نارەستەدەن باستاپ، كەز كەلگەن جاستاعى ادام پايدالانا الادى. ال، ونىمگە قوسىلاتىن ەفير مايى حوش ءيىس بەرەدى» دەيدى ماقات كەنتىندەگى №76 ل. شاحاتوۆ ورتا مەكتەبىنىڭ حيميا ءپانىنىڭ مۇعالىمى مارفۋعا اعىنوۆا.


جاس مامان بيىل اتالعان مەكتەپكە جۇمىسقا ورنالاسقان. ءبىراق، سابىن جاساۋمەن اينالىسقانىنا ءبىر جىلعا جۋىقتاعان.

«حيميا - وتە قىزىقتى سالا. وسىنداي تۇرمىستا قولدانۋاتىن ەكولوگيالىق تازا ونىمدەر جاساۋعا باۋلۋ ارقىلى وقۋشىلاردى اتالعان سالاعا قىزىقتىرۋعا بولادى. سابىن جاساۋدىڭ قىر- سىرىن تولىق مەڭگەرگەن سوڭ ونى وقۋشىلارىما ۇيرەتۋگە دايىنمىن» دەيدى جاس مامان مارفۋعا اعىنوۆا.


ەسكە سالا كەتەلىك، بۇدان بۇرىن اتىراۋدا مەكتەپ وقۋشىسى الوە وسىمدىگىنەن سۋسابىن مەن يوگۋرت جاساپ شىعارعان ەدى.

اۆتور: بەك مۇستافا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات