ياساۋيگە قاتىستى دەرەك ىزدەگەن عىلىمي ەكسپەديتسيا ەجەلگى تاراز ەسكەرتكىشتەرىن ارالادى

تاراز. قازاقپارات - «ازىرەت سۇلتان» مەملەكەتتىك تاريحي- مادەني قورىق- مۋزەيى ۇيىمداستىرعان «ياساۋي ىزىمەن» عىلىمي ەكسپەديتسيا مۇشەلەرى جامبىل وبلىسىنا ارنايى ساپارمەن باردى، دەپ حابارلايدى قازاقپارات.

قورىق- مۋزەي باسپا ءسوز قىزمەتىنىڭ مالىمەتىنشە، تاراز قالاسىنا ات باسىن بۇرعان ەكسپەديتسيا توبى XI- XII عاسىرلارداعى ساۋلەت ونەرى ەسكەرتكىشتەرىنىڭ جاۋھارى، اڭىزدارعا سۇيەنسەك قوجا احمەت ءياساۋيدىڭ جانازاسىن وقىعان قاسيەتتى قارابۋرانىڭ ۇرپاعى ايشا ءبيبى جانە ونىڭ سەنىمدى سەرىگى بولعان بابادجا حاتۋننىڭ كەسەنەلەرىنە بارىپ، تاريحىمەن تانىستى.

ساپار بارىسىندا قانشاما عالىمدار مەن زەرتتەۋشىلەردىڭ نازارىن وزىنە اۋدارعان سىرى مەن جۇمباعى كوپ اقىرتاس ساراي كەشەنىن ارالاعان ەكسپەديتسيا مۇشەلەرى تاجىريبە الماسۋ ماقساتىندا «ەجەلگى تاراز ەسكەرتكىشتەرى» مەملەكەتتىك تاريحي- مادەني قورىق- مۋزەيىندە اتقارىلىپ جاتقان جۇمىستارمەن تانىسىپ، ماماندارمەن پىكىر الماستى. وسى ورايدا ۇجىم قىزمەتكەرلەرىمەن ارنايى كەزدەسۋ ۇيىمداستىرىلىپ «ازىرەت سۇلتان» مەملەكەتتىك تاريحي- مادەني قورىق- مۋزەيىنىڭ باسشىسى جامبىل وبلىسىنا باعىت العان ساپاردىڭ ماقساتى مەن قورىق- مۋزەي اۋماعىندا رۋحاني جاڭعىرۋ جولىنداعى تاريحي ىزدەنىستەر، اتقارىلعان جانە جوسپارلانعان جۇمىستار جايلى مالىمدەدى.

جيىن اياسىندا «ازىرەت سۇلتان» مەملەكەتتىك تاريحي- مادەني قورىق- مۋزەيىنىڭ ديرەكتورى ن. احمەتجانوۆ پەن «ەجەلگى تاراز ەسكەرتكىشتەرى» تاريحي- مادەني قورىق- مۋزەيىنىڭ ديرەكتورى ن. بىقىبايەۆ ۇجىمارالىق بايلانىستى نىعايتۋ، تاجىريبە الماسۋدى قولعا الۋ تۋرالى ءبىرقاتار ماسەلەلەردى شەشۋگە ۋاعدالاستى.

جامبىل وبلىسىنداعى ساپار «كونە تاراز» قالاشىعى مەن ەجەلگى تاراز قالاسىنىڭ باتىس اۋماعىندا ورنالاسقان ءدىني مەموريالدىق كەشەندەر - ورتاعاسىرلىق قاراحان مەن داۋىتبەك كەسەنەلەرى جايلى تاريحي دەرەكتەرمەن تانىسۋعا ۇلاستى.

ايتا كەتسەك، قوجا احمەت ءياساۋيدىڭ تاريحىن قايتا تۇگەندەۋ، بالالىق شاعىنان باستاپ شاكىرتتەرى مەن زامانداستارىنا دەيىنگى تولىققاندى مالىمەتتەردى توپتاستىرۋ، تىڭ دەرەكتەر ىزدەۋ ماقساتىندا «ازىرەت سۇلتان» مەملەكەتتىك تاريحي- مادەني قورىق- مۋزەيىنىڭ ۇيىمداستىرۋىمەن قولعا الىنعان «ياساۋي ىزىمەن» تاريحي- دەرەكتى ەكسپەديتسيا سايرام ، سوزاق وڭىرلەرىندە جۇرگىزىلدى. الداعى ۋاقىتتا ءياساۋيدىڭ ۇستازدارى مەن قازاقستانداعى جانە 100-گە جۋىق ەلگە تارالعان شاكىرتتەرى جايلى زەرتتەۋ جۇمىستارى ءارى قاراي جالعاسىن تابادى.