مايك تايسون مەن روي دجونس جەكپە- جەگى تەڭ ناتيجەمەن اياقتالدى

نۇر- سۇلتان. قازاقپارات- 15 جىلدان كەيىن كاسىپقوي رينگكە قايتا ورالعان بوكس اڭىزى مايك تايسون مەن ءتورت سالماق دارەجەسىندەگى الەمنىڭ ەكس- چەمپيونى روي دجونس اراسىندا جەكپە- جەك ءوتتى، دەپ حابارلايدى قازاقپارات.

8 راۋندقا سوزىلعان جەكپە- جەكتە مايك تايسون ايقىن باسىمدىق تانىتا ءبىلدى. ايقاس سوڭىنا دەيىن اۋىر سوققىلار باعىتتاپ، وتە جاقسى فيزيكالىق جاعدايىن كورسەتتى. ال قارسىلاسى روي دجونس اۋىر سوققىلاردان ءساتتى جالتارىپ، قورعانىسقا كوڭىل ءبولدى. قورىتىندىسىندا ەكى بوكسشى اراسىنداعى ايقاس تورەشىلەر شەشىمىمەن (76-76/79-73/80-76) تەڭ ناتيجەمەن اياقتالدى.

ايتا كەتەيىك، 54 جاستاعى مايك تايسون بۇعان دەيىن رينگكە قايتا ورالاتىنىن جاريالاپ، قارسىلاس رەتىندە 51 جاستاعى روي دجونستى تاڭداعان بولاتىن. بوكسشىلاردىڭ جاسىن ەسكەرە وتىرىپ، ايقاس ونەر كورسەتۋ ستيلىندە ءوتتى. سونداي- اق، ءار راۋند 2 مينۋتقا ەسەپتەلگەن. جەكپە- جەك اياقتالعاننان كەيىن مايك تايسون ءوزىن وتە جاقسى سەزىنەتىنىن جانە قايتا ايقاسۋعا دايىن ەكەنىن جەتكىزدى.

اۆتور: مۇحتار قاليموللا ۇلى